విజయవాడ, మే 15: కర్నాటక రాష్ట్రంలో అనూహ్య పరిణామాలతో భారతీయ జనతాపార్టీ విజయపథంవైపు దూసుకెళ్లడంతో ఆంధ్రప్రదేశ్‌లోని ప్రత్యేక హోదా ఉద్యమ పక్షాల్లో ఒక్కసారిగా నీరసం ఆవహించింది. ఇదే సమయంలో కమలనాథుల్లో ఉత్సాహం నెలకొంది. ఊరూ వాడా బాణాసంచా కాల్చుకుంటూ స్వీట్లు పంచుకుంటూ సంబరాలు జరుపుకున్నారు.

తిరుమల: తిరుమల శ్రీవేంకటేశ్వరస్వామి వారిని సినీనటి కిర్తీసురేష్‌, పళనిస్వామి దర్శించుకున్నారు. ఉదయం వీఐపీ ప్రారంభ దర్శన సమయంలో ఆలయానికి చేరుకుని స్వామివారి సేవలో పాల్గొన్నారు. దర్శనానంతరం రంగనాయకుల మండపంలో ఆలయ అధికారులు స్వామివారి తీర్థప్రసాదాలను అందజేశారు. సినీ నిర్మాత బెల్లంకొండ సురేష్‌ కూడా స్వామివారిని దర్శించుకున్నారు.

హైదరాబాద్, మే 14: అంతర్జాతీయ స్థాయిలో గిరిజన విద్యార్థులు బంగారు పతకాలు సాధించడంపై సంబంధిత శాఖ అధికారులు హర్షం వ్యక్తం చేశారు. కరాటే, మల్లయుద్ధం వంటి క్రీడల్లో మన విద్యార్థులు సత్తా చాటారు. ఈనెల 10,11 తేదీల్లో దుబాయ్‌లో అంతర్జాతీయ క్రీడలు జరిగాయి. దాదాపు 49 దేశాలకు చెందిన విద్యార్థులు పాల్గొన్నారు. తెలంగాణాలో గ్రామీణ ప్రాంత గిరిజనులు అంతర్జాతీయ క్రీడల్లో అడుగుపెట్టారు.

హైదరాబాద్, మే 14: రాష్ట్ర ప్రభుత్వ వైఫల్యాలను ప్రజల్లో ఎండగట్టేందుకు బస్సు యాత్ర చేపట్టిన టి.పిసిసి అధ్యక్షుడు ఎన్. ఉత్తమ్‌కుమార్ రెడ్డి మరోవైపు నీటి పారుదల ప్రాజెక్టుల వైపు దృష్టి మరల్చారు. ప్రాజెక్టుల నిర్మాణంలో జరుగుతున్న అవినీతిని బయటపెట్టాలని ప్రాజెక్టులను సందర్శించనున్నారు. ఇందులో భాగంగా మంగళవారం తుమ్మడిహెట్టి-ప్రాణహిత ప్రాజెక్టును సందర్శించనున్నారు.