మేడ్చల్, ఏప్రిల్ 13: రైతులు అధైర్య పడవద్దని ఆరుగాలం కష్టపడి పండించిన ప్రతీ గింజను ప్రభుత్వమే కొనుగోలు చేస్తుందని, ఆందోళన చెందాల్సిన అవసరం లేదని, ప్రభుత్వం ఏర్పాటు చేసిన ధాన్యం కేంద్రాల్లోనే రైతులు ధాన్యం విక్రయించాలని రాష్ట్ర కార్మికశాఖ మంత్రి మల్లారెడ్డి సూచించారు. సోమవారం మండలంలోని పూడూరు, మేడ్చల్ పీఏసీఎస్ కార్యాలయాల్లో ధాన్యం కొనుగోలు కేంద్రాలను మంత్రి ముఖ్యఅతిథిగా విచ్చేసి ప్రారంభించారు.

తలకొండపల్లి, ఏప్రిల్ 13: కరోనా లాక్‌డౌన్ నేపథ్యంలో పేదలకు తలకొండపల్లి జడ్పీటీసీ ఉప్పల వెంకటేష్ చేయూత ఇస్తున్నారు.ఆమనగల్లు డివిజన్ పరిధిలోని నాలుగు మండలాల పేదలకు సుమారు 25 లక్షల రూపాయాలు ఖర్చుపెట్టి ఇంటికో శానిటైజర్ పంపిణీ చేసి ఆదర్శంగా నిలిచారు. తలకొండపల్లి, మాడ్గుల, కడ్తాల్, ఆమనగల్లు మండల కేంద్రాలలో ప్రతి కుటుంబానికి శానిటైజర్ అందించారు.

హైదరాబాద్, ఏప్రిల్ 13: వలస కార్మికులకు ఏ లోటు రాకుండా చూసుకుంటామని మున్సిపల్ శాఖ మంత్రి కల్వకుంట్ల తారక రామారావు హామీ ఇచ్చారు. అయితే మరో రెండు వారాల పాటు లాక్ డౌన్ నిబంధనలను తప్పనిసరిగా పాటించాలని ఆదేశించారు. హైదరాబాద్ నగరానికి వివిధ ప్రాంతాల నుంచి వచ్చిన వలస కార్మికుల యోగక్షేమాలను కేటీఆర్ స్వయంగా సోమవారం వివిధ కన్‌స్ట్రక్షన్ సైట్లకు వెళ్లి అడిగి తెలుసుకున్నారు.

హైదరాబాద్, ఏప్రిల్ 13: రాష్ట్రంలో కరోనా (కోవిడ్-19) పాజిటివ్ కేసుల సంఖ్య 592కు చేరింది. సోమవారం ఒక్కరోజే 61 మందికి కరోనా సోకినట్టు వైద్య పరీక్షల్లో వెల్లడైంది. ఆదివారం వరకు 531 మందికి కరోనా సోకినట్టు ప్రకటించగా, సోమవారం నమోదైన 61 పాజిటివ్ కేసులను కలిపి మొత్తం కరోనా సోకిన వారి సంఖ్య 592కు చేరినట్టయింది.