హైదరాబాద్, మార్చి 18: రాష్ట్ర ప్రభుత్వం 50వేల లోపు రుణం పొందిన రైతులకు ఒకే విడతలో రుణ మాఫీ చేయాలని తెలంగాణ రైతు సంఘం అధ్యక్షుడు పెసరగాయల జంగారెడ్డి, ప్రధానకార్యదర్శి తీగల సాగర్ కోరారు. అల్ ఇండియా కిసాన్ సభ జాతీయ ఉపాధ్యక్షుడు సారంపల్లి మల్లారెడ్డి సైతం ముఖ్యమంత్రి కేసీఆర్‌కు ఒక లేఖ రాశారు. 50వేల లోపు రుణం పొందిన రైతులు 13.97 లక్షల మంది ఉన్నారని వీరికి 4301 కోట్లు సరిపోతాయని చెప్పారు.

హైదరాబాద్, మార్చి 18: రాష్ట్ర ప్రభుత్వం పర్యావరణం, అడవులు, శాస్త్ర, సాంకేతిక విజ్ఞాన శాఖల అభివృద్ధికి 2020-21 వార్షిక బడ్జెట్‌లో రూ.791.47 కోట్ల నిధులను కేటాయించింది. రాష్ట్రంలో ప్రకటిత అటవీ ప్రాంతం 27402.98 చదరపు కి.మీ ఉంది. రాష్ట్ర భౌగోళిక ప్రాంతంలో అటవీ ప్రాంతం 24 శాతంగా ఉంది. అడవుల విస్తీర్ణాన్ని 33 శాతానికి పెంచాలని రాష్ట్రప్రభుత్వం ప్రతిపాదించింది.

హైదరాబాద్, మార్చి 18: రాష్ట్రంలో రానున్న కాలంలో విద్యుత్ అవసరాలను దృష్టిలో పెట్టుకుని విద్యుత్ ఉన్నతాధికారులు ప్రణాళికను సిద్ధం చేస్తున్నాను. సోలార్ విద్యుత్‌ను ఉత్పత్తి చేయడానకి అవసరమైన వౌళిక వసతులను పొందేందుకు సహాయ, సహకారాలను ఎన్‌హెచ్‌పీసీతోసంప్రదిస్తున్నారు.

హైదరాబాద్: రాష్ట్రంలో కరోనా వైరస్ వ్యాప్తి చెందకుండా తీసుకోవాల్సిన చర్యలపై చర్చించేందుకు గురువారం అత్యవసర సమావేశం నిర్వహించాలని ముఖ్యమంత్రి కల్వకుంట్ల చంద్రశేఖర్‌రావు నిర్ణయించారు. మధ్యాహ్నం రెండు గంటలకు ప్రగతిభవన్‌లో జరిగే ఈ సమావేశానికి అన్ని జిల్లాల కలెక్టర్లు, ఎస్పీలు, పోలీస్ కమిషనర్లను ఆహ్వానించారు.