హైదరాబాద్, డిసెంబర్ 8: జాతీయ లీగల్ సర్వీసెస్ అథారిటీ ఆదేశం మేరకు ఈ నెల 9న జాతీయ లోక్ అదాలత్ నిర్వహిస్తున్నట్లు హైదరాబాద్ మెట్రోపాలిటన్ లీగల్ సర్వీసెస్ అథారిటీ చైర్మన్ ఎస్.రాధాకృష్ణమూర్తి తెలిపారు. నాంపల్లిలోని మెట్రోపాలిటన్ క్రిమినల్ కోర్టు భవన సముదాయంలో ఈ కార్యక్రమం జరుగుతుందని తెలిపారు.

హైదరాబాద్, డిసెంబర్ 8: హైదరాబాద్ నగరంలో ఎన్నారై భవన నిర్మాణం కోసం సిఎం కెసిఆర్‌తో మాట్లాడతానని తెలంగాణ హోం మంత్రి నాయిని నర్సింహారెడ్డి అన్నారు. ఇందుకు అవసరమైన స్థలం ప్రభుత్వం కేటాయించే విధంగా కృషి చేస్తానని చెప్పారు. ఆస్ట్రేలియాలో ఉస్మానియా విశ్వవిద్యాలయం శతాబ్ది ఉత్సవాల్లో ముఖ్య అతిథిగా పాల్గొనేందుకు ఆస్ట్రేలియాలో పర్యటిస్తున్న ఆయనను ఆస్ట్రేలియన్ తెలంగాణ ఫోరం ఎన్నారై సభ్యులు కలిశారు.

హైదరాబాద్, డిసెంబర్ 8: ఈ నెల 14వ తేదీ నుంచి ఐదు రోజుల పాటు మహానగరంలో జరగనున్న ప్రపంచ తెలుగు మహాసభకు ‘మహా’నగర పాలక సంస్థ ఏర్పాట్లకు సిద్దమైంది. పదిరోజుల క్రితం హైటెక్స్ వేదికగా జరిగిన గ్లోబల్ సమ్మిట్‌కు ప్రదాని మోదీ, అమెరికా అధ్యక్షుడి కుమార్తె ఇవాంక అతిధులుగా హాజరుకావటంతో పలు మెయిన్‌రోడ్లలో, చారిత్రక కట్టడాల వద్ద చేపట్టిన సుందరీకరణ పనులను మరింత మెరుగుపర్చనున్నారు.

హైదరాబాద్, డిసెంబర్ 8: భూముల సర్వే ముగిసేలోగా ప్రతి అటవీ భూమిని రికార్డుల్లోకి రావాలని అటవీ శాఖ ఉన్నతాధికారులు జిల్లాల అధికారులను ఆదేశించారు. అటవీ సంరక్షణ ప్రధాన అధికారి పికె ఝూ, వైల్డ్ లైఫ్ పిసీసీఎఫ్ డాక్టర్ మనోరంజన్ భాంజా తదితరులు శుక్రవారం జిల్లాల అటవీ అధికారులతో వీడియో కాన్ఫరెన్స్‌లో మాట్లాడారు. అటవీ ప్రాంతాల్లో రోడ్ల నిర్మాణానికి జిల్లా యంత్రాంగంతో సమన్వయం చేసుకోవాలని సూచించారు.