హైదరాబాద్, డిసెంబర్ 12: ఎస్సీ,ఎస్టీల తరహాలో బిసిలకు కూడా సబ్‌ప్లాన్ అమలుచేయాలని బిసి సంక్షేమ శాసనసభ కమిటీలో మొదటి అంశంగా చేర్చినట్టు బిసి సంక్షేమ మంత్రి జోగు రామన్న తెలిపారు. మంగళవారం నాడు అసెంబ్లీలో స్పీకర్ మధుసూధనాచారి, ఆర్ధిక మంత్రి ఈటెల రాజేందర్, పలువురు ఎమ్మెల్యేలతో నిర్వహించిన సమావేశం అనంతరం ఆయన సచివాలయంలో పాత్రికేయులతో మాట్లాడారు.

హైదరాబాద్, డిసెంబర్ 12: అసెంబ్లీ శీతాకాల సమావేశాల్లో బిసిల అభివృద్ధికి జరిగిన చర్చ సందర్భంగా అనేక సూచనలు వచ్చాయని వాటిని వెంటనే అమలు చేయాలని బిజెపి రాష్ట్ర అధ్యక్షుడు లక్ష్మణ్ కోరారు. ఈ మేరకు ఆయన మంగళవారం నాడు సీఎంకు లేఖ రాశారు. బిసిల అభ్యున్నతి, సాధికారత, సంక్షేమం, విద్యా ఉద్యోగ అవకాశాలు, రాజకీయంగా సముచిత స్థానం కల్పించడానికి చర్యలు చేపట్టాలని అన్నారు.

హైదరాబాద్, డిసెంబర్ 11: హైదరాబాద్‌లో చైన్ స్నాచింగ్‌లు తగ్గాయి. 2014లో చైన్ స్నాచింగ్‌ల కేసులు 425 నమోదు కాగా, ఈ ఏడాది డిసెంబర్ వరకు 55 వరకు మాత్రమే జరిగాయి. మూడేళ్లలో 90 శాతం మేరకు కేసులు తగ్గాయి. 2014 కంటే 2015లో కొంత తగ్గుదల, 2016లో మరింత తగ్గుదల కనిపిస్తోంది. ఈ ఏడాది పదకొండు నెలల్లో మెరుగైన ఫలితాలు రావడంతో పోలీస్ శాఖకు మంచి పేరు వచ్చింది.

హైదరాబాద్, డిసెంబర్ 11: రహదారి భద్రతకు తెలంగాణ ప్రభుత్వం పెద్దపీట వేస్తోందని రోడ్లు, భవనాల మంత్రి తుమ్మల నాగేశ్వరరావు తెలిపారు. రహదారుల భద్రతకు సంబంధించిన మంత్రివర్గ ఉపసంఘం తొలి సమావేశం సోమవారం ఇక్కడ జరిగింది. తుమ్మల నాగేశ్వరరావుతో పాటు మంత్రులు కె. తారకరామారావు, జూపల్లి కృష్ణారావు, సంబంధిత శాఖల ఉన్నతాధికారులు పాల్గొన్నారు. రహదారి ప్రమాదాలు, భద్రతపై కూలంకషంగా చర్చించారు.