హైదరాబాద్, డిసెంబర్ 8: తెలంగాణ ప్రభుత్వం చేపట్టిన మిషన్ భగీరథతో పాటు మిగిలిన పథకాలు అద్భుతంగా ఉన్నాయని కేంద్ర అధికార బృందం ప్రశంసించింది. మిషన్ భగీరథను దేశ వ్యాప్తంగా అమలు చేసేందుకు ప్రధాని నరేంద్రమోదీ యోచిస్తున్నారని అన్నారు. శుక్రవారం నాడిక్కడ ఆర్‌డబ్ల్యూఎస్ కార్యాలయానికి కేంద్ర, రాష్ట్ర ప్రభుత్వ పథకాల అధ్యయనంలో భాగంగా కేంద్రప్రభుత్వ అధికారుల బృందం విచ్చేసింది.

హైదరాబాద్, డిసెంబర్ 8: తెలుగు వైభవాన్ని చాటే విధంగా హోర్డింగ్స్ ఏర్పాటు చేసినట్లు తెలంగాణ సిఎం కార్యాలయ ప్రత్యేకాధికారి దేశపతి శ్రీనివాస్ తెలిపారు. ఆ హోర్డింగ్స్‌లో సుప్రసిద్దులైన తెలుగు కవులు, రచయితల పేర్లు, వారి విశిష్టతను తెలియజేసే వ్యాఖ్యలు రాయడం జరిగిందని వివరించారు. అంతేకాకుండా హోర్డింగ్స్‌పై రచయితలు, వైతాళికుల పెయింటింగ్స్ చూపరులను విశేషంగా ఆకర్షిస్తున్నాయని తెలిపారు.

మర్రిగూడ, డిసెంబర్ 8: డిండి ఎత్తిపోతల పథకంలో భాగంగా మండలంలోని శివన్నగూడెం గ్రామ శివారులో నిర్మిస్తున్న చర్లగూడెం ప్రాజెక్టు పనులకు తాత్కాలికంగా బ్రేక్ పడింది. పూర్తి స్థాయిలో నష్టపరిహారం చెల్లించిన తర్వాతే పనులను కొనసాగించాలని డిమాండ్ చేస్తూ ముంపు గ్రామాల ప్రజలు వంద రోజులకు పైగా శాంతియుతంగా నిరవధికంగా ధర్నాను కొనసాగించారు.

మహబూబ్‌నగర్, డిసెంబర్ 8: కార్పోరేట్ విద్యాసంస్థల ఒత్తిళ్ల కారణంగానే విద్యార్థుల ఆత్మహత్యలు రోజురోజుకు పెరుగుతున్నాయని ఇది బాధాకరమైన అంశమని వీటిపై పాలకులు, మేధావులు, సమాజం ఆలోచించాల్సిన అవసరం ఎంతైనా ఉందని రాష్ట్ర టీజేఏసీ చైర్మన్ కోదండరాం అన్నారు. శుక్రవారం మహబూబ్‌నగర్‌లోని జడ్పీ మైదానంలో పిడిఎస్‌యు 21వ రాష్ట్ర మహాసభలు ప్రారంభం అయ్యాయి.