హైదరాబాద్, ఆగస్టు 10: భారత్, అమెరికా దేశాల సంయుక్త ఆధ్వర్యంలో జరిగే ప్రపంచ పెట్టుబడిదారు (పారిశ్రామికవేత్త)ల సదస్సుకు అమెరికా అధ్యక్షుడు ట్రంప్ కుమార్తె ఇవాంకా ట్రంప్ హాజరవుతున్నారు. ప్రధాని నరేంద్రమోదీ, ఇవాంకా తదితరులు హాజరవుతున్నందుకు సిఎం కెసిఆర్ సంతోషం వ్యక్తం చేశారు.

హైదరాబాద్, ఆగస్టు 10: మల్లన్నసాగర్ టెండర్ల ప్రక్రియను నిలుపుదల చేస్తూ ఈ దశలో స్టే ఇవ్వలేమని హైకోర్టు స్పష్టం చేసింది. పర్యావరణ అనుమతులు లేకుండా ప్రాజెక్టు నిర్మాణానికి టెండర్లు పిలిచారని, ఈ ప్రక్రియ నిలుపుదల చేయాలంటూ జి లక్ష్మి తదితరులు దాఖలుచేసిన పిటిషన్‌ను హైకోర్టు న్యాయమూర్తి జస్టిస్ ఏ రామలింగేశ్వరరావువిచారించారు. తెలంగాణ అడ్వకేట్ జనరల్ డి ప్రకాశ్ రెడ్డి ప్రభుత్వం తరఫున వాదనలు వినిపించారు.

హైదరాబాద్, ఆగస్టు 10: ప్రభుత్వ జూనియర్ కాలేజీల పనితీరు, ప్రభుత్వ సాచివేత ధోరణిని నిరసిస్తూ ఎస్‌ఎఫ్‌ఐ, ఎబివిపి ఇచ్చిన బంద్ పిలుపుతో రాష్ట్రం అట్టుడికిపోయింది. రెండు విద్యార్థి సంఘాల పిలుపుతో జూనియర్ కాలేజీలు మూతపడ్డాయి. అనేక పట్టణాల్లో వందలాది విద్యార్థులు నిరసన ప్రదర్శనలు, ర్యాలీలు నిర్వహించారు. పలు పట్టణాల్లో విద్యార్థి నేతలపై పోలీసులు కేసులు నమోదు చేశారు.

హైదరాబాద్, ఆగస్టు 10: మాదకద్రవ్యాల అలవాటు మంచిది కాదని, వాటికి దూరంగా ఉండడమే కాకుండా, అలాంటి అలవాటు ఉన్న వారి వివరాలు తెలియజేయాలని ఎక్సైజ్ ఎన్‌ఫోర్స్‌మెంట్ డైరెక్టర్ అకున్ సబర్వాల్ యువతకు సూచించారు. గురువారం హైదరాబాద్ జెఎన్‌టియులో జరిగిన డ్రగ్స్ అవగాహన సదస్సులో ఆయన పాల్గొని ప్రసంగించారు. డ్రగ్స్ ప్రాణాంతకమని, వీటికి బానిసలై జీవితాలను నాశనం చేసుకోవద్దన్నారు.