భద్రాచలం: ఖమ్మం జిల్లా భద్రాచలం శ్రీసీతారామచంద్రస్వామి బుధవారం వసంతమాడి పెళ్లికొడుకుగా ముస్తాబయ్యాడు. ఏప్రిల్ 15వ తేదీన జరిగే కల్యాణానికి రాముడు సిద్ధమవుతున్నాడు. ఇందులో భాగంగా శ్రీసీతారామచంద్రస్వామికి వేడుకగా అభిషేకం చేసి వివిధ మంజీరాలతో వసంతోత్సవం చేశారు. అనంతరం స్వామిని పెళ్లికొడుకును చేశారు. శ్రీసీతారాముల కల్యాణం పెళ్లి పనులను లాంఛనంగా వైదిక కమిటీ ప్రారంభించింది.

సంగారెడ్డి: కాపలా లేకుండా ఏర్పాటు చేసిన ఎటిఎంలను గుర్తు తెలియని దొంగలు మరోమారు లక్ష్యంగా చేసుకుని లూటీకి పాల్పడ్డారు. రామాయంపేట మండలం నిజాంపేట, పుల్కల్ మండలం శివ్వంపేట గ్రామాల్లో ఏర్పాటు చేసిన ఇండిక్యాష్ ఎటిఎంలపై దొంగలు విరుచుకుపడ్డారు. గ్యాస్ కట్టర్లతో ధ్వంసం చేసి నగదును అపహరించుకుపోవడం గమనార్హం.

హైదరాబాద్: ఎస్‌సి, ఎస్‌టిలపై అత్యాచార నిరోధక చట్టం కింద కేసు ఎదుర్కొంటున్న హైదరాబాద్ సెంట్రల్ యూనివర్శిటి వైస్ చాన్సలర్ అప్పారావును వెంటనే అరెస్టు చేయాలని, ఆ పదవి నుంచి డిస్మిస్ చేయాలని టి.పిసిసి అధ్యక్షుడు ఎన్.ఉత్తమ్‌కుమార్ రెడ్డి ప్రభుత్వాన్ని డిమాండ్ చేశారు. ఎస్‌సి, ఎస్‌టి కేసు ఎదుర్కొంటున్న విసి అప్పారావును అరెస్టు చేయకుండా, తిరిగి ఆయనకు విసిగా అవకాశం ఇవ్వడమేమిటని ఆయన ప్రశ్నించారు.

హైదరాబాద్: ‘తెలంగాణ జీవోల వెబ్‌సైట్ పునరుద్ధరణకు ఎన్ని రోజులు పడుతుంది?’ అని హైదరాబాద్ హైకోర్టు బుధవారం రాష్ట్ర ప్రభుత్వాన్ని ప్రశ్నించింది. ఎన్ని రోజుల్లో పునరుద్ధరిస్తారో కోర్టుకు తెలియజేయాలని హైకోర్టు న్యాయమూర్తి జస్టిస్ పివి సంజయ్ కుమార్ రాష్ట్ర ప్రభుత్వాన్ని ఆదేశించారు.