వరంగల్, మార్చి 24: వరంగల్ జిల్లాకు భారీ టెక్స్‌టైల్ పార్క్ రాబోతోందని, అందుకు తగినట్లుగా వౌలిక సదుపాయాలు కల్పించాల్సిన అవసరం ఉందని ముఖ్యమంత్రి కెసిఆర్ అన్నారు. గురువారం వరంగల్‌లో ఎంపి అజ్మీరా సీతారాంనాయక్ కుమారుడి వివాహ వేడుకకు హాజరయ్యేందుకు వచ్చిన ముఖ్యమంత్రి... మాజీ మంత్రి కెప్టెన్ లక్ష్మీకాంతారావు నివాసంలో అధికారులతో సమీక్ష సమావేశం నిర్వహించారు.

వలిగొండ, మార్చి 24:క్రికెట్ బెట్టింగ్ ఓ నిండు ప్రాణాన్ని బలితీసుకుంది. నల్లగొండ జిల్లా వలిగొండ మండలంలోని గోకారం గ్రామానికి చెందిన పాలిటెక్నిక్ విద్యార్థి పాలకూర్ల భానుప్రసాద్ గురువారం ఉదయం ఇంట్లో ఏవరూ లేని సమయంలో కిరోసిన్ పోసుకొని ఆత్మహత్య చేసుకున్నాడు. పోలీసులు తెలిపిన వివరాల ప్రకారం గోకారం గ్రామానికి చెందిన భానుప్రసాద్ అబ్దుల్లాపూర్ మెట్టు వద్ద గల అర్జున్ పాలిటెక్నిక్ కళాశాలలో చదువుతున్నాడు.

కొత్తకోట, మార్చి 24: టెన్త్ హిందీ పరీక్షకు సంబంధించిన ప్రశ్నలను లీక్‌చేయడంతో ఆయా ప్రశ్నలకు జవాబుపత్రాలు గైడ్‌ల నుండి చించి ఒకపేపర్‌పై అంటించి జిరాక్స్‌లు తీస్తుండగా కొందరు పట్టుకుని జిల్లా ఉన్నతాధికారులకు సమాచారం అందించారు. గురువారం మహబూబ్‌నగర్ జిల్లా కొత్తకోటలో ఈ సంఘటన చోటుచేసుకుంది. ఈ సందర్భంగా డిఇఓ విజయలక్ష్మిబాయి ఇక్కడ విలేఖరుల సమావేశంలో మాట్లాడుతూ అందుకు సంబంధిత వివరాలు వెల్లడించారు.

మహబూబ్‌నగర్, మార్చి 24: కోయిల్‌సాగర్ ప్రాజెక్టు ఆయకట్టుకు సాగునీటిని విడుదల చేయాలని డిమాండ్ చేస్తూ గురువారం మహబూబ్‌నగర్ జిల్లా దేవరకద్రలో రైతులు రోడ్డెక్కారు. హైదరాబాద్ - రాయిచూర్ వెళ్లే ప్రధాన రహదారిపై గంటల తరబడి మండుటెండల్లో రాస్తారోకోకు దిగి రహదారిని దిగ్బంధించారు. తమ పంటలను కాపాడాలంటూ వారు నినదించారు. రైతులు గత వారం రోజులుగా రహదారిని దిగ్బంధిస్తామని హెచ్చరించి అనుకున్నంత పనిచేశారు.