హైదరాబాద్, మార్చి 25: రాష్టవ్యాప్తంగా త్వరలో ప్రారంభం కాబోతున్న డబుల్ బెడ్‌రూమ్ ఇళ్ల పథకానికి ఆధార్ కార్డును ప్రభుత్వం తప్పనిసరి చేసింది. దీంతో గతంలో ఎక్కడైనా ఇందిరమ్మ ఇళ్ల పథకం కింద లబ్ధిపొందినట్టు అయితే డబుల్ బెడ్‌రూమ్ ఇంటికి తిరిగి దరఖాస్తు చేసుకుంటే తిరస్కరించబడుతుంది. కేవలం తిరస్కరించడమే కాదు, ప్రభుత్వానికి తప్పుడు సమాచారం ఇచ్చినందుకు ఛీటింగ్ కేసు పెట్టే అవకాశం కూడా లేకపోలేదు.

హైదరాబాద్, మార్చి 25: గవర్నర్ ఇఎస్‌ఎల్ నరసింహన్‌తో తెలంగాణ ముఖ్యమంత్రి కె చంద్రశేఖర్‌రావు శుక్రవారం మధ్యాహ్నం భేటీ అయ్యారు. రాజ్‌భవన్‌లో ముఖ్యమంత్రి సుమారు రెండు గంటలపాటు గవర్నర్‌తో సమావేశమయ్యారు. శాసనసభ బడ్జెట్ సమావేశాలు కొనసాగుతున్న తీరు తెన్నులు, ఈ నెల 29న సభలో ప్రవేశపెట్టనున్న ద్రవ్యవినిమయ బిల్లు తదితర అంశాలపై చర్చించినట్టు తెలిసింది.

హైదరాబాద్: తనకు న్యాయస్థానాలపై పూర్తి స్థాయిలో నమ్మకం ఉందని వైకాపా ఎమ్మెల్యే రోజా శుక్రవారం ఇక్కడ మీడియాతో అన్నారు. తనను ఏడాది పాటు అసెంబ్లీ నుంచి సస్పెండ్ చేయడంపై న్యాయ పోరాటం సాగుతుందని స్పష్టం చేశారు. అసెంబ్లీలో ప్రివిలేజ్ కమిటీ ముందు హాజరై తన వాదన వినిపిస్తానని ఆమె తెలిపారు.

మహబూబ్‌నగర్: అలంపూర్‌లోని జోగులాంబ ఆలయానికి వెళ్లి వస్తుండగా కారు బోల్తాపడి ఇద్దరు మరణించారు. భూత్పూర్ వద్ద శుక్రవారం ఉదయం డివైడర్‌ను ఢీకొని కారు బోల్తాపడింది. హైదరాబాద్‌లోని మూసాపేటకు చెందిన విజయ్‌ప్రకాష్ తన కుటుంబ సభ్యులతో కలిసి కారులో అలంపూర్ వెళ్లి తిరుగుముఖం పడుతుండగా ఈ విషాదం చోటు చేసుకుంది. విజయ్‌ప్రకాష్, మరో మహిళ అక్కడికక్కడే మరణించారు.