హైదరాబాద్, ఫిబ్రవరి 4: మేడారం జాతరకు వచ్చే భక్తుల మదిలో ముఖ్యమంత్రి కేసీఆర్ స్థిరంగా నిలిచిపోయేలా ఏర్పాట్లు ఉండాలని ప్రభుత్వ ప్రధాన కార్యదర్శి సోమేష్‌కుమార్ పిలుపు ఇచ్చారు. బూర్గుల రామకృష్ణారావు (బీఆర్‌కే) భవన్ నుండి మేడారం జాతర ఏర్పాట్లపై మంగళవారం ఆయన ఉన్నతాధికారులతో సమీక్షించారు. జాతరలో వివిధ శాఖలు అందిస్తున్న సేవలు పూర్తిస్థాయిలో వినియోగంలో ఉండేలా చూడాలని సోమేశ్‌కుమార్ సూచించారు.

హైదరాబాద్, ఫిబ్రవరి 4: జాతిపిత మహాత్మాగాంధీని దూషించిన బీజేపీ ఎంపీ హెగ్డేను పార్లమెంటు సభ్యునిగా బర్తరఫ్ చేయాలని పీసీసీ ఉపాధ్యక్షుడు మల్లురవి డిమాండ్ చేశారు. మంగళవారం ఆయన ఇక్కడ విలేఖర్లతో మాట్లాడుతూ మహాత్మాగాంధీ చేసిన గొప్ప స్వాతంత్య్ర పోరాటాన్ని అవమానపరిచారన్నారు. పైగా బ్రిటిష్ ప్రభుత్వంతో గాంధీ కుమ్మక్కైనట్లు ఆరోపణలు చేయడం దారుణమన్నారు.

హైదరాబాద్: ఆధునిక సాంకేతిక విజ్ఞానాన్ని వ్యవసాయ రంగంలో పూర్తిగా వినియోగించుకోవాలని, పంటల ఉత్పత్తులు గణనీయంగా పెరిగేలా చూడాలని రాష్ట్ర వ్యవసాయ మంత్రి సింగిరెడ్డి నిరంజన్‌రెడ్డి పేర్కొన్నారు. హైదరాబాద్‌లోని పార్క్ హయత్ హోటల్‌లో మంగళవారం జరిగిన ‘డిజిటల్ ఏజీ ఇండియా కాన్ఫరెన్స్’లో ఆయన ముఖ్య అతిథిగా పాల్గొన్నారు. పెరుగుతున్న జనాభాకు అనుగుణంగా పంటల ఉత్పత్తులను కూడా పెంచాల్సి ఉందన్నారు.

భూపాలపల్లి/తాడ్వాయి, ఫిబ్రవరి 3: సమ్మక్క-సారలమ్మ దర్శనానికి వచ్చే భక్తుల కోసం జాతరలో అన్ని ఏర్పాట్లు పూర్తి చేసి సర్వం సిద్ధం చేశామని ములుగు జిల్లా ఇన్‌చార్జ్ కలెక్టర్ ఆర్.వి.కర్ణన్, ఎస్పీ సంగ్రామ్‌సింగ్‌జీ.పాటిల్ అన్నారు.