నాగిరెడ్డిపేట్, నవంబర్ 20: పోచారం ప్రాజెక్టును కామారెడ్డి జిల్లా కలెక్టర్ సత్యనారాయణ ఆదివారం సందర్శించారు. పోచారం ప్రాజెక్టులో గతంలో బోట్(పడవ) కోసం ఏర్పాటు చేసిన షెడ్డూను ఆయన పరిశీలించారు. ఈ సందర్భంగా ఆయన మాట్లాడుతూ, పోచారం ప్రాజెక్టు కామారెడ్డి జిల్లాలోనే ఉందని, దీని అభివృద్ధి కోసం సంబంధిత అధికారులు ప్రణాళికలు సిద్దం చేసినట్లు తెలిపారు.

ఆదిలాబాద్ రూరల్,నవంబర్ 20:ఆకతాయిల ఆగడాలను నియంత్రించి, యువతను సన్మార్గంలో నడిపించేందుకు షీటీంలను విస్తృతపర్చి పకడ్బందీ చర్యలు తీసుకుంటామని జిల్లా ఎస్పీ మిట్ట శ్రీనివాస్ అన్నారు. తెలంగాణ రాష్ట్ర ప్రభుత్వం ప్రతిష్టాత్మకంగా మంజూరు చేసిన 15 యాక్టీవా ద్విచక్రవాహనాలకు ఆదివారం స్థానిక సాయుధ పోలీసు హెడ్ క్వార్టర్స్‌లో వేద పండితుల సమక్షంలో పూజలు నిర్వహించి ప్రారంభించారు.

నిర్మల్,నవంబర్ 20: ప్రపంచమంతా డిజిటల్ మయమైందని, నూతన సాంకేతిక పరిజ్ఞానంతో మరింత అభివృద్ది చెందే అవకాశం ఉందని, డిజిటల్ పాఠాలు విద్యార్థులకు ఎంతగానో ఉపయోగకరమని రాష్ట్ర దేవాదాయ, న్యాయ, గృహనిర్మాణ శాఖ మంత్రి అల్లోల ఇంద్రకరణ్‌రెడ్డి తెలిపారు.

ఖైరతాబాద్, నవంబర్ 20: ఉపాధ్యాయ నియామకం కోసం జరిగిన పరీక్షలో అర్హత సాధించిన 1998 బ్యాచ్ డిఎస్‌సి అభ్యర్ధులు ఆదివారం పెద్దమ్మతల్లి దేవాలయంలో ముఖ్యమంత్రి పేరున ప్రత్యేక పూజలు నిర్వహించారు. 1998 డిఎస్‌సి సాధన సమితి ఆధ్వర్యంలో ఆదివారం ఉదయం 11:45 ప్రాంతంలో ర్యాలీగా జూబ్లీహిల్స్ పెద్దమ్మతల్లి ఆలయానికి చేరుకున్న అభ్యర్ధులు ముఖ్యమంత్రి కె.చంద్రశేఖర్ రావు పేరన అర్చన, అభిషేకాన్ని నిర్వహించారు.