రాజమహేంద్రవరం, మార్చి 25: ప్రభుత్వ నిర్లక్ష్యం కారణంగా గోదావరి డెల్టాల్లో రబీ సాగు తీవ్ర సంక్షోభాన్ని ఎదుర్కొంటోందని, గోదావరి జిల్లాల్లో దాదాపు లక్ష ఎకరాలు బీడు వారిందని వైసీపీ రైతు విభాగం రాష్ట్ర అధ్యక్షుడు నాగిరెడ్డి ఆరోపించారు. రాజమహేంద్రవరంలోని వైసీపీ కార్యాలయంలో ఆదివారం ఆయన విలేఖరుల సమావేశంలో మాట్లాడారు.

విజయవాడ, మార్చి 25: ఉప ముఖ్యమంత్రి (రెవెన్యూ) కేఈ కృష్ణమూర్తికి దేవదాయ, ధర్మదాయ శాఖ బాధ్యతలను రాష్ట్ర ప్రభుత్వం అదనంగా అప్పగించింది. బీజేపీతో నెలకొన్న విభేదాల నేపథ్యంలో ఆ శాఖ మంత్రి పదవికి పైడికొండల మాణిక్యాలరావు రాజీనామా చేయడం తెలిసిందే. దీంతో ఆ శాఖను కూడా ముఖ్యమంత్రి చంద్రబాబు నిర్వహిస్తున్నారు. అసెంబ్లీ, శాసన మండలిలో ఆయన తరపున మంత్రి అచ్చెన్నాయుడు సభ్యుల ప్రశ్నలకు సమాధానాలు ఇస్తున్నారు.

హిందూపురం, మార్చి 25: సినీనటుడు, హిందూపురం ఎమ్మెల్యే బాలకృష్ణ ఆదివారం సుమారు 15 కిలోమీటర్ల దూరం సైకిల్ తొక్కి పార్టీ కార్యకర్తలు, నాయకులను హుషారెత్తించారు. లేపాక్షి నంది ఉత్సవాల ప్రచారంలో భాగంగా ఆదివారం కొడికొండ నుంచి లేపాక్షి నంది విగ్రహం వరకూ సైకిల్ ర్యాలీ నిర్వహించారు. ఈ ర్యాలీలో ఎమ్మెల్యే నందమూరి బాలకృష్ణ, ఎంపీ నిమ్మల కిష్టప్ప, కలెక్టర్ వీరపాండ్యన్ తదితరులు పాల్గొన్నారు.

విజయవాడ: పారిశ్రామిక పెట్టుబడులు ఆకర్షించే విషయంలో దేశంలోని ఇతర రాష్ట్రాల కంటే ముందున్న ఆంధ్రప్రదేశ్.. తాజాగా మరో కీలక నిర్ణయం తీసుకుంది. రాష్ట్రంలో స్థిరమైన విద్యుత్ చార్జీలను కొనసాగించాలని ముఖ్యమంత్రి చంద్రబాబు నాయుడు అధికారులను ఆదేశించారు. పరిశ్రమలను ప్రోత్సహించాలంటే కనీసం 5 నుంచి పదేళ్ల పాటు విద్యుత్ టారిఫ్‌ను స్థిరంగా ఉంచాల్సిన అవసరం ఉందన్నారు.