విజయవాడ, మార్చి 23: కేంద్రం ఎంపిక చేసిన స్మార్ట్ సిటీల్లో నిధుల వర్షం కురుస్తుందని, ఆ నగరాలు మొత్తం రూపురేఖలే మారిపోయి అభివృద్ధి చెందుతాయని భావిస్తే పొరబాటేనని రాష్ట్ర పురపాలకశాఖ మంత్రి పి.నారాయణ స్పష్టం చేశారు. శాసనసభ ప్రశ్నోత్తరాల్లో స్మార్ట్ సిటీ నగరాల్లో వివిధ పనులు నత్తనడక నడుస్తున్నాయంటూ సభ్యులు వి.గణేష్‌కుమార్, ఎం.సుగుణమ్మ అడిగిన పలు ప్రశ్నలకు మంత్రి నారాయణ పై విధంగా స్పందించారు.

విజయవాడ, మార్చి 23: కొన్ని వందల సంవత్సరాల క్రితం అనంతపురం జిల్లాలో శ్రీకృష్ణదేవరాయల పాలనలో హరిహరరాయలు, బుక్కరాయలు తవ్విన బుక్కపట్నం చెరువుకు నీటిని నింపిన సీఎం చంద్రబాబునాయుడు అభినవ కృష్ణదేవరాయలంటూ రాష్ట్ర జలవనరుల శాఖ మంత్రి దేవినేని ఉమామహేశ్వరరావు అభినందనలు కురింపించారు.

గుంటూరు, మార్చి 23: రెవెన్యూ శాఖలో గత నాలుగేళ్లలో సంస్కరణలు తీసుకువస్తున్నట్లు ఉప ముఖ్యమంత్రి కేఈ కృష్ణమూర్తి తెలిపారు. శాసనసభలో శుక్రవారం రెవెన్యూ శాఖ డిమాండ్లపై ఆయన వివరణ ఇచ్చారు. భూసేవ ద్వారా ఇంటి వద్దకే సమాచారాన్ని అందించడంతో పాటు భూధార్ ద్వారా రిజిస్ట్రేషన్ల ప్రక్రియను సులభతరం చేయనున్నట్లు వివరించారు. ఉయ్యూరులో ఈ ప్రక్రియ ప్రయోగాత్మకంగా చేపట్టామన్నారు.

ఆదోని, మార్చి 23:రోడ్డు ప్రమాదంలో గాయపడిన పలువురు పదో తరగతి విద్యార్థులు సహాయకుల సాయంతో శుక్రవారం పరీక్ష రాశారు. ఈ సంఘటన కర్నూలు జిల్లా కౌతాళం మండలంలో జరిగింది. వివరాలు ఇలా ఉన్నాయి. బదినేహాల్ గ్రామం నుండి 20 మంది విద్యార్థులు ఆటోలో కౌతాళం బయలుదేరారు. వీరు ప్రయాణిస్తున్న ఆటో కౌతాళం క్రాస్ రోడ్డు వద్ద ప్రమాదవశాత్తు బోల్తా పడింది. దీంతో అందులోని 15 మందికి గాయాలయ్యాయి.