పోలవరం, జూలై 13: పశ్చిమ గోదావరి జిల్లా పట్టిసం ఎత్తిపోతల పథకం నుండి తోడుతున్న గోదావరి నీరు గురువారం నాటికి కృష్ణా డెల్టాకు చేరుతుందని ఎస్‌ఇ విఎస్ రమేష్‌బాబు తెలిపారు. ఈ నెల 6వ తేదీన ముఖ్యమంత్రి మోటార్లు ఆన్‌చేసిన విషయం విదితమే. కుడి కాలువ నిర్మాణం పూర్తికాని కారణంగా అధికారులు అంచెలంచెలుగా నీటిని తరలిస్తున్నారు.

విజయవాడ, జూలై 13: ఆహార తయారీ రంగంలో 50 వేల ఉద్యోగాల సృష్టికి ప్రభుత్వం రంగం సిద్ధం చేస్తోంది. ప్రభుత్వ, ప్రైవేటు సంస్థలు నెలకొల్పనున్న ఫుడ్ ప్రాసెసింగ్ ప్రాజెక్టులతో ప్రత్యక్షంగా వేలాది మందికి, పరోక్షంగా లక్షలాది మందికి ఉపాధి కల్పించనున్నట్టు ప్రభుత్వం ఇప్పటికే ప్రకటించింది. ఈ మేరకు పలు రకాల ఫుడ్ ప్రాసెసింగ్ ప్రాజెక్టుల నిర్మాణానికి శరవేగంగా ఏర్పాట్లు జరుగుతున్నాయి.

జంగారెడ్డిగూడెం, జూలై 13: రాష్ట్రంలో రైతులు పండించే అన్ని రకాల పంటలకు గిట్టుబాటు ధర లభించడానికి వీలుగా రూ.5000 కోట్లతో ధరల స్థిరీకరణ నిధి ఏర్పాటుచేస్తానని గత ఎన్నికల్లో చంద్రబాబు ఇచ్చిన హామీ ఏమైందని వైఎస్సార్ కాంగ్రెస్ పార్టీ అధ్యక్షుడు జగన్ ప్రశ్నించారు. నాడు తాను మూడువేల కోట్లతో స్థిరీకరణ నిధి ఏర్పాటు చేస్తానంటే, చంద్రబాబు ఐదువేల కోట్లతో ఏర్పాటు చేస్తానని హామీ ఇచ్చారని గుర్తుచేశారు.

హైదరాబాద్, జూలై 12: గుంటూరు జిల్లాలోని సదావర్తి భూముల అమ్మకం వ్యవహారంలో జోక్యం చేసుకునేందుకు హైకోర్టు నిరాకరించింది. అమరావతిలోని శ్రీసదావర్తిసత్రం భూములను ఆంధ్రప్రదేశ్ ప్రభుత్వం అమ్మకానికి పెట్టిడంపై దాఖలైన పిటిషన్లను హైకోర్టు విచారించింది. ఈ వ్యవహారంలో జోక్యం చేసుకునేందుకు అవసరమైన కారణాలు కనిపించడం లేదని హైకోర్టు మంగళవారం నాడు వ్యాఖ్యానించింది.