హైదరాబాద్, జూన్ 11: ఆంధ్రా మున్సిపల్ స్కూళ్లలో తెలుగు, ఇంగ్లీషు మీడియం కొనసాగించాలని యుటిఎఫ్ రాష్ట్ర అధ్యక్షుడు ఐ వెంకటేశ్వరరావు, ప్రధానకార్యదర్శి బాబురెడ్డిలు డిమాండ్ చేశారు. పురపాల సంఘం ప్రాధమిక పాఠశాలల్లో మాతృభాషలోనే విద్యా బోధన జరగాలని వారు కోరారు. ఇంగ్లీషును ఒక సబ్జెక్టుగా బోధించాలని, అందులో ఒక ఉపాధ్యాయుడిని నియమించాలని అన్నారు.

విజయవాడ: ప్రజారాజ్యం పార్టీ పెట్టి, ఆ తర్వాత కాంగ్రెస్‌లో చేరి ఎంపి పదవి పొందిన సినీనటుడు చిరంజీవి ఏనాడైనా కాపుల గురించి పట్టించుకున్నారా? అని మంత్రి నారాయణ ప్రశ్నించారు. కాపుగర్జన సందర్భంగా రైలును తగలబెట్టిన వారిని శిక్షించవద్దా? అని ఆయన అన్నారు.

హైదరాబాద్: కాపుగర్జన సందర్భంగా తుని వద్ద జరిగిన విధ్వంసకాండలో నిజానిజాలను వెలికితీసేందుకు సిబిఐ చేత విచారణ జరిపించాలని కాంగ్రెస్ ఎంపీ, సినీనటుడు చిరంజీవి డిమాండ్ చేశారు. ఈమేరకు ఆయన ఎపి సిఎం చంద్రబాబుకు శనివారం ఓ లేఖ పంపారు. కాపు ఉద్యమనేత ముద్రగడ పద్మనాభంను అరెస్టు చేసిన తీరు సమంజసంగా లేదని ఆయన తన లేఖలో నిరసన వ్యక్తం చేశారు. ముద్రగడ పట్ల పోలీసులు దురుసుగా వ్యవహరించారన్నారు.

నెల్లూరు: నెల్లూరు జిల్లా వేదాయపాలెంలోని బ్యాంకు ఆఫ్ ఇండియా ఎటిఎం కేంద్రంలోకి శుక్రవారం అర్ధరాత్రి దాటాక కొందరు దుండగులు ప్రవేశించారు. ఎటిఎంను ధ్వంసం చేసి నగదును చోరీ చేసేందుకు వారు చేసిన ప్రయత్నాలు ఫలించలేదు. ఇంతలో స్థానికుల హడావుడితో దుండగులు అక్కడి నుంచి పరారయ్యారు.