సఖినేటిపల్లి : తూ.గో జిల్లా సఖినేటిపల్లి మండలం కేశవదాసుపాలెంలో ఓఎన్జీసీ పైపులైన్ కేవీ 11 నుంచి గురువారం గ్యాస్ లీకేజీ అవడంతో స్థానికులు ఆందోళన చేశారు. దీంతో లీకేజీని అదుపు చేయడం కోసం ఓఎన్జీసీ అధికారులు రంగంలో దిగారు.

విజయవాడ: ఆర్మీ, నేవీ, వాయుసేనలో చేరాలని ఆసక్తి చూపే యువతకు ఉచితంగా శిక్షణ ఇస్తామని ఎపి సిఎం చంద్రబాబు గురువారం ఇక్కడ తెలిపారు. ఎలాంటి ఫీజులు తీసుకోకుండా శిక్షణకు హాజరయ్యే వారికి వసతి సౌకర్యం కల్పిస్తామన్నారు. యువతకు ఉపాధి అవకాశాలను మెరుగుపరచేందుకు కొత్త విధానానికి శ్రీకారం చుట్టామన్నారు. రక్షణ రంగంలో చేరాలనుకునే సుమారు 8వేల మందికి ఈ ఏడాది శిక్షణ ఇప్పిస్తామన్నారు.

విజయవాడ: ప్రధానిగా నరేంద్ర మోదీ రెండేళ్ల పాలన పూర్తయిన సందర్భంగా తాము సాధించిన విజయాలను ప్రజలకు వివరించేందుకు పలువురు కేంద్రమంత్రులు ఎపికి వస్తున్నారు. విశాఖ, విజయవాడ, రాజమండ్రి, కాకినాడ, అనంతపురం, తిరుపతి, నెల్లూరు నగరాల్లో జరిగే బహిరంగ సభల్లో కేంద్రమంత్రులు పాల్గొంటారు.

ఏలూరు: పశ్చిమ గోదావరి జిల్లా ఉండ్రాజవరం మండలం తాటిపర్రు వద్ద ఓ కోళ్లఫారంలో దాచిన 200 కిలోల గంజాయిని ఎక్సయిజ్ అధికారులు గురువారం ఉదయం స్వాధీనం చేసుకున్నారు.