గుంటూరు: రాజుపాలెం మండలం అద్దంకి – నార్కట్‌పల్లి జాతీయ రహదారిపై నెమలిపురి గ్రామం వద్ద బుధ‌వారం ఉద‌యం ఆగి ఉన్న లారీని ఆటో ఢీకొట్టింది. ఈ ప్రమాదంలో ఆటోలో ప్రయాణిస్తున్నపిడుగురాళ్ల పట్టణానికి చెందిన సైదావలి(50), రాజావలి(48) మృతి చెందారు.

విజయవాడ: ఎ.పి. మంత్రివర్గ సమావేశం బుధవారం ఉదయం ఇక్కడ ప్రారంభమైంది. ఈ నెలలో నిర్వహించే అసెంబ్లీ సమావేశాలపై వ్యూహాన్ని సిద్ధం చేసేందుకు మంత్రివర్గ సహచరులతో ముఖ్యమంత్రి చంద్రబాబు చర్చిస్తున్నారు. అమరావతి నిర్మాణం, ఇసుక వేలం విధానం, కాల్‌మనీ వ్యవహారం, ప్రైవేటు విశ్వవిద్యాలయాలకు అనుమతి, తదితర అంశాలకు సంబంధించి మంత్రుల అభిప్రాయాలను ఆయన తెలుసుకుంటున్నారు

చిత్తూరు: నగరి సమీపంలోని తుడుకుపేట వాణిజ్య పన్నుల శాఖ చెక్‌పోస్టులో ఎసిబి అధికారులు బుధవారం ఆకస్మిక సోదాలు జరిపి అక్కడి సిబ్బంది అక్రమాలకు పాల్పడుతున్నట్లు కనుగొన్నారు. లెక్క తేలకుండా ఉన్న 10 వేల రూపాయల నగదును పోలీసులు స్వాధీనం చేసుకున్నారు.

విజయవాడ: విజయవాడలో కాల్‌మనీ అక్రమాలు వెలుగుచూసిన నేపథ్యంలో పోలీసులు ఎ.పి.లోని అన్ని జిల్లాల్లో వడ్డీ వ్యాపారుల ఇళ్లల్లో బుధవారం కూడా సోదాలు చేస్తున్నారు. ఈ సందర్భంగా భారీగా ప్రామిసరీ నోట్లు, డాక్యుమెంట్లు, బీమా పత్రాలను స్వాధీనం చేసుకున్నారు. చిలకలూరిపేటలో ఇద్దరు, మార్కాపురంలో నలుగురు వడ్డీ వ్యాపారులను అరెస్టు చేశారు.