విశాఖః ముఖ్యమంత్రి చంద్రబాబును పరుష పదజాలంతో దూషించిన వైఎస్ఆర్ కాంగ్రెస్ ఎమ్మెల్యే గిడ్డి ఈశ్వరిపై కేసు నమోదైంది. విశాఖ జిల్లా చింతపల్లి పోలీస్ స్టేషన్ లో 124(ఎ) 307, 506, 511సెక్షన్ ల కింద కేసు నమోదు చేశామని చింతపల్లి సీఐ సీహెచ్ రుద్రశేఖర్ తెలిపారు.

గుంటూరు: నరసరావుపేట మున్సిపాలిటీ శతాబ్ది ఉత్సవాల్లో పాల్గొనేందుకు ఎ.పి సి.ఎం. చంద్రబాబు శుక్రవారం ఇక్కడికి వస్తున్నారు. ఉత్సవాల సందర్భంగా ఏర్పాటైన పైలాన్‌ను ఆయన ఆవిష్కరిస్తారు. 11వేల మరుగుదొడ్లను ప్రారంభించి స్థానికులకు మాట్లాడుతారు. టిడిపి చేపట్టే జన్మ చైతన్య యాత్రలో కూడా ఆయన పాల్గొంటారు.

విజయవాడ: ఇక్కడి కృష్ణలంకలోని స్వర్ణ బార్‌లో కల్తీ మద్యం తాగి ఆస్పత్రిలో చికిత్స పొందుతున్న వారిని రాష్ట్ర మంత్రి కామినేని శ్రీనివాస్ శుక్రవారం ఉదయం పరామర్శించారు. మద్యంలో మిథనాల్ కలవడం వల్లే ఈ దుర్ఘటన చోటు చేసుకుందని ఆయన అన్నారు. బాధితుల్లో ఇద్దరి పరిస్థితి విషమంగా ఉందని, మరో 27 మంది కోలుకుంటున్నారని మంత్రి చెప్పారు.

చిత్తూరు : కుప్పం నియోజకవర్గంలో ముఖ్యమంత్రి చంద్రబాబునాయుడు పర్యటించారు. ఈ సందర్భంగా ఆయన ప్రజల నుంచి వినతిపత్రాలు స్వీకరించారు. అనంతరం టీడీపీ నేతల సమావేశంలో మాట్లాడుతూ తమ ప్రభుత్వం చేస్తున్న అభివృద్ధి పనుల వల్లే పార్టీలో అనేకమంది చేరుతున్నారని అన్నారు. ఈ సందర్భంగా వైసీపీ నుంచి టీడీపీలో చేరిన కార్యకర్తలను ఆయన కండువా కప్పి ఆహ్వానించారు.