కాకినాడ సిటీ, డిసెంబర్ 31: నూతన సంవత్సరంలో ఆంధ్రప్రదేశ్ అభివృద్ధి ఆశాజనకంగా ఉంటుందని రాష్ట్ర ఆర్థిక మంత్రి యనమల రామకృష్ణుడు అన్నారు. సోమవారం మంత్రి తూర్పుగోదావరి జిల్లా కాకినాడలో తన అతిథి గృహంలో ఏర్పాటుచేసిన విలేఖరుల సమావేశంలో రాష్ట్ర ప్రభుత్వం చేపట్టే అభివృద్ధి, సంక్షేమ కార్యక్రమాలు, నూతన సంవత్సర ప్రణాళికలను మంత్రి తెలియచేశారు.

గుంటూరు: గుంటూరు లాలాపురం వద్ద ఘోర రోడ్డు ప్రమాదం సంభవించింది. గుంటూరు-చిలకలూరిపేట జాతీయ రహదారిపై 160 కి.మీ వేగంతో వచ్చిన కారు డివైడర్‌ను ఢీకొని తరువాత లారీని ఢీకొన్నది. కారులో ఉన్న నలుగురు ఇంజనీరింగ్ విద్యార్థులు అక్కడికక్కడే చనిపోయారు. వీరు ఆర్‌వీఆర్ ఆండ్ జేసీ ఇంజనీరింగ్ విద్యార్థులు. కారు ఢీకొనటంతో లారీ సైతం బోల్తా పడింది. మృతులు ధనుష్, కోటేశ్వరరావు, సాయిరామ్, కపూర్‌గా గుర్తించారు.

విశాఖపట్నం: విశాఖ మన్యంలో చలి పంజా విసిరింది. గత పదేళ్లలో ఎన్నడూ నమోదుకాని ఉష్ణోగ్రతలు నమోదు అయ్యాయి. దీనికితోడు పొగమంచు కమ్ముకోవటంతో వాహనాల రాకపోకలకు సైతం ఇబ్బందికరంగా మారింది. చింతపల్లి, లంబసంగిలో 1.5 డిగ్రీల కనిష్ట ఉష్ణోగ్రతలు నమోదు అయ్యాయి. కొన్నిప్రాంతాల్లో మంచు జల్లులు సైతం కురుస్తున్నాయి.

విజయవాడ (సిటీ), డిసెంబర్ 30: రాష్టవ్య్రాప్తంగా ఉన్న వెలుగు ఉద్యోగుల సమస్యలను త్వరలోనే పరిష్కరిస్తామని ముఖ్యమంత్రి నారా చంద్రబాబు నాయుడు హామీ ఇచ్చారు. ఉండవల్లిలోని ప్రజావేదికలో ఆదివారం 13 జిల్లాల వెలుగు జేఏసీ నాయకులు మంత్రి పరిటాల సునీత ఆధ్వర్యంలో చంద్రబాబును కలిశారు. ఈసందర్భంగా ఆయన వారితో మట్లాడుతూ మీపై నాకు ప్రత్యేక మైన అభిమానం ఉందని, మీ విషయాల పట్ల సానుకూలంగా స్పందిస్తామని హామీ ఇచ్చారు.