విజయవాడ, జనవరి 1: రాష్ట్రంలో వివిధ ప్రభుత్వ శాఖల్లో పని చేస్తున్న దృష్టిలోపం గల ఉద్యోగులకు బయోమెట్రిక్ హాజరు నుండి మినహాయింపు ఇస్తున్నట్లు ప్రభుత్వ కార్యదర్శి హెచ్ అరుణ్‌కుమార్ మంగళవారం మెమో నెం 14/103/2017 ద్వారా ఆదేశాలు జారీ చేశారు. వీరికి మానవీయ కోణంలో పాత పద్దతిలోనే హాజరును అమలు చేయాలని ఆదేశాలలో పేర్కొన్నారు.

విజయవాడ, జనవరి 1: నూతన సంవత్సరంలో చీఫ్ మినిస్టర్ రిలీఫ్ ఫండ్ (సీఎంఆర్‌ఎఫ్) ఫైల్‌పై ముఖ్యమంత్రి చంద్రబాబు నాయుడు తొలి సంతకం చేశారు. వైద్య చికిత్సల సాయం కోసం దరఖాస్తులు 7386 వచ్చాయి. వీటిలో రీయింబర్స్‌మెంట్ ఇస్తున్న కేసులు 6207. ముఖ్యమంత్రి సహాయ నిధి నుంచి ఇప్పటి వరకూ రీయింబర్స్ చేసిన సొమ్ము 34.5 కోట్ల రూపాయలు. ఎల్వోసీలకు 1179 దరఖాస్తులు రాగా, 19.13 కోట్ల రూపాయలు విడుదల చేశారు.

వజ్రపుకొత్తూరు, జనవరి 1: ప్రజా సంక్షేమ కార్యక్రమాలు అమలు చేసి వైఎస్ ఆశయ సాధనకు కృషి చేద్దామని వైసీపీ అధినేత జగన్ పిలుపు ఇచ్చారు. ప్రజా సంకల్ప యాత్రలో భాగంగా మంగళవారం ఒంకులూరు సమీపంలో రాత్రి బస చేసిన వేదిక వద్ద 2019 నూతన సంవత్సర వేడుకలను అభిమానులు, కార్యకర్తల మధ్య నిర్వహించారు. ప్రజాసంకల్ప పాదయాత్ర పొడవుప్రజలు చూపిస్తున్న ఆదరాభిమానాలు మరువలేనివి అన్నారు.

అమరావతి, జనవరి 1: ప్రభుత్వం ప్రతిష్టాత్మకంగా నిర్వహిస్తున్న జన్నభూమి- మావూరు కార్యక్రమం బుధవారం నుంచి ప్రారంభం కానుంది.