విజయవాడ, జనవరి 1: గత సంవత్సరం మాదిరిగా పెన్నా అహోబిలం బ్యాలెన్సింగ్ రిజర్వాయర్ కుడి కాలువ కింద చెరువులకు 2.5 టీఎంసీల నీటిని విడుదల చేసి చెరువులన్నింటినీ నింపేందుకు చర్యలు చేపట్టాలని కోరుతూ సీపీఐ రాష్ట్ర కార్యదర్శి కే రామకృష్ణ మంగళవారం సీఎం చంద్రబాబుకు లేఖ రాశారు. ఈ ఏడాది మరింత దారుణంగా కరవు పరిస్థితులు నెలకొన్నాయన్నారు.

గుంటూరు, జనవరి 1: దళారుల ప్రమేయం లేకుండా నేరుగా లబ్ధిదారులకే స్ర్తి నిధి పథకం ఫలాలు అందేలా తెలుగుదేశం ప్రభుత్వం చర్యలు తీసుకుంటోందని రాష్ట్ర స్ర్తి, శిశు సంక్షేమ శాఖ మంత్రి పరిటాల సునీత తెలిపారు.

విజయవాడ, జనవరి 1: తాను రచించిన పుస్తకాన్ని విజయవాడలోని ప్రముఖుల మధ్య ఆవిష్కరించినందుకు చాలా ఆనందంగా ఉందని ప్రముఖ చరిత్రకారుడు, మహాత్మా గాంధీ మనవడు ఆచార్య రాజమోహన్ గాంధీ అన్నారు. నవభారత ప్రకాశరావు ప్రాంగణంలో యద్దనపూడి సులోచనారాణి సాహిత్య వేదికపై ఎన్టీఆర్ ట్రస్ట్, సాంస్కృతిక శాఖ, విజయవాడ బుక్ ఫెస్టివల్ సొసైటీ సంయుక్తంగా నిర్వహించిన 30వ పుస్తక మహోత్సవాన్ని మంగళవారం రాత్రి ఘనంగా ప్రారంభించారు.

విజయవాడ: నేడు భవానీ దీక్షల విరమణ కావటంతో భక్తులు దుర్గగుడికి పోటెత్తారు. రెండు తెలుగు రాష్ట్రాల నుంచి భక్తులు తరలివచ్చారు. అర్థరాత్రి నుంచే భక్తులు అమ్మ దర్శనం కోసం వేచి వున్నారు. భవానీ దీక్షల నేపథ్యంలో అర్థరాత్రి 2 గంటల నుంచే భక్తులను వదిలారు. జనవరి 1వ తేదీ అర్థరాత్రి వరకు భక్తులను దర్శనం కోసం అనుమతినిస్తామని ఈఓ కోటీశ్వరమ్మ తెలిపారు.