నాగాయలంక, డిసెంబర్ 18: పెథాయ్ తుఫాన్ కారణంగా సముద్రంలో గల్లంతైన కాకినాడకు చెందిన మత్స్యకారుల బోట్లలో ఒక బోటు మంగళవారం సాయంత్రం కృష్ణాజిల్లా నాగాయలంక తీరానికి చేరింది. 12 మందితో ప్రయాణిస్తున్న బోటు నాగాయలంక మండలం గుల్లలమోద లైట్ హౌస్ వద్ద కృష్ణానదిలో చిక్కుకుంది. ఆయిల్ అయిపోవటంతో బోటు ఎటూ కదలేని పరిస్థితి ఏర్పడింది. దీంతో బోటులో ఉన్న మత్స్యకారులు లంగరు వేశారు.

అమరావతి, డిసెంబర్ 18: పెథాయ్ తుపాను ప్రభావంతో దెబ్బతిన్న విద్యుత్‌లైన్లు, సబ్‌స్టేషన్లను యుద్ధప్రాతిపదికన పునరుద్ధరించి 24 గంటల్లో సరఫరాను అందించినట్లు రాష్ట్ర ఇంధనవనరుల శాఖ మంత్రి కిమిడి కళా వెంకట్రావు తెలిపారు. మంగళవారం సచివాలయంలో ఏర్పాటు చేసిన విలేఖర్ల సమావేశంలో ఆయన మాట్లాడుతూ తిత్లీ తుపానులో ఏర్పడిన విద్యుత్ సమస్యలను అనుకున్న సమయం కంటే ముందుగానే పూర్తిచేశామని గుర్తుచేశారు.

అమరావతి, డిసెంబర్ 18: నల్గొండ జిల్లా కోదాడ వద్ద జరిగిన రోడ్డు ప్రమాదంలో దుర్మరణం చెందిన ఏపీ సచివాలయ రెవెన్యూ డిపార్ట్‌మెంట్ సెక్షన్ ఆఫీసర్ హరికృష్ణ, రెవెన్యూశాఖ ప్రత్యేక కార్యదర్శి పీఎస్ భాస్కర్ అందించిన సేవలు మరువలేనివని పలువురు సహచర ఉద్యోగులు, ఉద్యోగ సంఘాల నేతలు సంతాపం వ్యక్తం చేశారు.

పాడేరు, అరుకులోయ, పాతపట్నం, మెళియాపుట్టి, బుచ్చెయ్యపేట, డిసెంబర్ 18: పెథాయ్ తుపాను ప్రభావంతో వీచిన తీవ్ర చలి గాలులకు విశాఖ జిల్లా పాడేరు మండలంలో ఇద్దరు, అరుకులోయ మండలంలో ఇద్దరు, బుచ్చెయ్యపేట మండలంలో ఒకరు, రావికమతం మండలంలో ఒకరు మృతి చెందారు. శ్రీకాకుళం జిల్లా మెళియాపుట్టి మండలంలో ఒకరు, పాతపట్నం మండలంలో ఒకరు చనిపోగా పాతపట్నం మండలంలోనే ఉపాధ్యాయుడు ఒకరు విద్యుదాఘాతంతో దుర్మరణం చెందారు.