రాజమహేంద్రవరం, నవంబర్ 9: చంద్రబాబునాయుడు ప్రధాని మోదీ అంటే భయంతోనే రాష్ట్రంలో బీజేపీ నాయకులను గృహ నిర్భంధం చేస్తున్నారని బీజేపీ జాతీయ కార్యవర్గ సభ్యుడు, ఎలక్షన్ మేనేజ్‌మెంట్ కమిటీ ఛైర్మన్, ఎమ్మెల్సీ సోము వీర్రాజు ఆరోపించారు. ప్రజాస్వామ్యమంటే చంద్రబాబునాయుడుకు అర్ధం తెలియదన్నారు. తూర్పు గోదావరి జిల్లా రాజమహేంద్రవరం ప్రెస్‌క్లబ్‌లో శుక్రవారం ఆయన విలేఖర్లతో మాట్లాడారు.

విజయవాడ, నవంబర్ 9: ఓ వైపు రాష్ట్రం కష్టాల కడలిలో ఉందంటూనే ముఖ్యమంత్రి నారా చంద్రబాబునాయుడు ప్రజల సొమ్ముతో విలాసవంతమైన ప్రయాణాలు సాగిస్తున్నారని బీజేపీ జాతీయ అధికార ప్రతినిధి, రాజ్యసభ సభ్యుడు జీవీఎల్ నరసింహారావు విమర్శించారు. టీడీపీ నేతలు అభివృద్ధిపై చర్చకు సవాళ్లు విసిరి తరువాత పరారవుతున్నారని ఎద్దేవా చేశారు.

అమరావతి: చంద్రబాబు జమ్మిక్కుల వల్ల రాజధాని అమరావతి ప్రతిష్ట దెబ్బతింటుందని సీపీఐ రాష్ట్ర కార్యదర్వి రామకృష్ణ అన్నారు. ఆయన మీడియాతో మాట్లాడుతూ రాజధాని అమరావతిలో ముఖ్యమంత్రి చంద్రబాబు నాయుడు రియల్ ఎస్టేట్ వ్యాపారం చేస్తున్నారని, సీఆర్డీఏ పేరును చంద్రబాబు రియల్ ఏస్టేట్ డెవలప్‌మెంట్ అథారిటీగా మార్చేశారని అన్నారు.

విజయవాడ (క్రైం): రాష్ట్రంలో పలువురు పోలీసు అధికారులు బదిలీ అయ్యారు. వివిధ చోట్ల విధులు నిర్వహిస్తున్న డీఎస్పీలతోపాటు అదనపు ఎస్పీలకు పోస్టింగ్‌లు కల్పిస్తూ ప్రభుత్వం ఉత్తర్వులు జారీ చేసింది. బదిలీ వివరాలు ఇలా ఉన్నాయి. సిఐడి డిఎస్పీ జి వెంకటరాముడు కర్నూలు జిల్లా ఆదోని ఎస్‌డిపిఓగా బదిలీ అయ్యారు. ఇక్కడ పని చేస్తున్న వైబిపిటిఏ ప్రసాద్‌ను విజయవాడ సెంట్రల్ ఏసీపీగా నియమించారు.