విజయవాడ, అక్టోబర్ 15: నిన్న హుదూద్.. నేడు తిత్లీ.. రెండు తుపానులు కోస్తాంధ్రపై విరుచుకుపడి జనజీవనాన్ని స్తంభింపచేశాయి. సంక్షోభ సమయాల్లో సమర్థవంతంగా వ్యవహరించే ముఖ్యమంత్రి చంద్రబాబునాయుడు అన్నీ తానై తుపాను కదలికలను గమనిస్తూ, ప్రజలను అప్రమత్తం చేయడంతో పాటు, తుపాను సహాయక చర్యలనూ పర్యవేక్షించారు.

విజయవాడ, అక్టోబర్ 15: మాజీ మంత్రి మాల్యాల రాజయ్య ఆకస్మిక మృతి పట్ల ముఖ్యమంత్రి చంద్రబాబు నాయుడు దిగ్భ్రాంతి వ్యక్తం చేశారు. ఎన్టీఆర్ పిలుపుతో టీడీపీలో చేరిన ఆయన ప్రజా సేవకు అంకితమయ్యారని తెలిపారు. అనారోగ్యంతో చికిత్స పొందుతూ మృతి చెందడం ఆవేదన కల్గించిందని తెలిపారు. ఎమ్మెల్యేగా, ఎంపీగా నిరంతరం ప్రజల సమస్యల పరిష్కారానికి కృషి చేశారని నివాళులు అర్పించారు.

విజయవాడ, అక్టోబర్ 15: అమరావతిలో ఆధునిక మిలిటరీ స్టేషన్‌ను ఏర్పాటు చేసేందుకు ఆంధ్ర సబ్ ఏరియా కమాండ్ ముందుకు వచ్చింది. వెలగపూడి సచివాలయంలో రాష్ట్ర ప్రభుత్వ ప్రధాన కార్యదర్శి అనిల్ చంద్ర పుణేఠాతో ఆంధ్ర, తెలంగాణ సబ్ ఏరియా జనరల్ ఆఫీసర్ కమాండింగ్ మేనేజర్ ఎన్.శ్రీనివాసరావు సోమవారం సమావేశమయ్యారు. మిలిటరీ స్టేషన్ ఏర్పాటు, ఇందుకు అనుసరించాల్సిన విధి విధానాలు, మాజీ సైనికోద్యోగుల సమస్యలపై చర్చించారు.

విజయవాడ: రాష్ట్రంలో స్వైన్ ఫ్లూ కేసుల నమోదు ఎక్కువ అవుతుండటంతో రాష్ట్ర ప్రభుత్వం అమ్రత్తమైంది. ఇప్పటికే రాష్ట్రంలో 27 కేసులు నమోదు అవడం ఆందోళనకు గురి చేస్తోంది. పరిస్థితిని గమనించి అన్ని ప్రభుత్వ ఆసుపత్రుల్లో మందులను, మాస్కులను, ప్రత్యేక పడకలను ఏర్పాటు చేసింది. ఈ నేపథ్యంలో జిల్లా కలెక్టర్లతో రాష్ట్ర ప్రభుత్వ ప్రధాన కార్యదర్శి అనిల్ చంద్ర పుణేఠా సోమవారం టెలీ కాన్పరెన్సు నిర్వహించారు.