తిరుపతి, సెప్టెంబర్ 16: వైకాపా అధికారంలోకి వచ్చిన వెంటనే అవినీతిపరుల అంతు చూస్తామని, రూ. 4 లక్షల కోట్లు స్వాహా చేసిన వారిని వదిలిపెట్టే ప్రసక్తేలేదని వైకాపా రాష్ట్ర ప్రధానకార్యదర్శి భూమన కరుణాకర్‌రెడ్డి స్పష్టం చేశారు. తిరుపతిలో ఆదివారం ఏర్పాటు చేసిన విలేఖరుల సమావేశంలో ఆయన మాట్లాడుతూ ఇప్పటివరకు చంద్రబాబు 18 కేసుల్లో స్టే తెచ్చుకున్నారని ఆరోపించారు.

గుంటూరు, సెప్టెంబర్ 15: కేంద్రంలోని నరేంద్రమోదీ ప్రభుత్వం పెట్రోల్, డీజిల్ ధరలు పెంచడం వలన ఆర్టీసీపై 210 కోట్ల రూపాయల మేర భారం పడిందని సంస్థ చైర్మన్ వర్ల రామయ్య పేర్కొన్నారు.

రాజమహేంద్రవరం, సెప్టెంబర్ 15: రాష్ట్రంలో ప్రభుత్వం సాగునీటికి, తాగునీటికి కొరత లేకుండా పూర్తి స్థాయిలో అందించగలుగుతుందని ఉప ముఖ్యమంత్రి, హోంమంత్రి నిమ్మకాయల చిన రాజప్ప పేర్కొన్నారు. రాష్ట్ర ప్రభుత్వం చేపట్టిన జలసిరికి హారతి కార్యక్రమంలో భాగంగా శనివారం ధవళేశ్వరంలో కాటన్ బ్యారేజి వద్ద గోదావరి నదికి జలసిరి హారతినిచ్చారు.

విజయవాడ, సెప్టెంబర్ 15: ఆర్థిక ఇబ్బందుల నుంచి గట్టేక్కెందుకు రాష్ట్ర పౌరసరఫరాల సంస్థ ప్రయత్నాలు ప్రారంభించింది. ఎక్కువ వడ్డీకి తెచ్చిన రుణాలను తీర్చేందుకు, ఖరీఫ్ సీజన్‌ల్లో ధాన్యం తదితర వ్యవసాయ ఉత్పత్తుల కొనుగోళ్లకు వీలుగా 15 వేల కోట్ల రూపాయల మేర రుణాలను వివిధ బ్యాంక్‌ల నుంచి సమకూర్చుకోనుంది. ఈ మేరకు బ్యాంక్‌ల నుంచి తీసుకునే రుణానికి ప్రభుత్వం గ్యారంటీ ఇచ్చేందుకు నిర్ణయించింది.