అమరావతి: ఏపీ అసెంబ్లీ సమావేశాలు మంగళవారం ఉదయం ప్రారంభమయ్యాయి. స్పీకర్ ప్రశ్నోత్తరాల కార్యక్రమాన్ని చేపట్టారు. అసెంబ్లీలో ప్రభుత్వం పది బిల్లులను ప్రవేశపెట్టనున్నది.

విజయవాడ(సిటీ), సెప్టెంబర్ 17: వన్ నేషన్...వన్ టాక్స్‌గా రూపొందించిన జీఎస్టీ అమలులో మాత్రం వన్ మోదీగానే సాగుతోందని ఏపీ ఆర్థికశాఖ మంత్రి యనమల రామకృష్ణుడు వ్యాఖ్యానించారు. జీఎస్టీ అమలులో ఎదురవుతున్న ఇబ్బందులు, సవరణలపై పలు రాష్ట్రాలు సూచనలు చేస్తున్నప్పటికి వాటిని పట్టించుకోకుండా కేంద్రం తాను అనుకున్నదే చేస్తోందన్నారు.

అమరావతి, సెప్టెంబర్ 17: కరవు జిల్లాల్లో అదనంగా మరో 50 రోజులు పనిదినాలు కల్పించాలని ముఖ్యమంత్రి చంద్రబాబునాయుడు ఆదేశించారు. నీరు- ప్రగతి, వ్యవసాయంపై జిల్లా కలెక్టర్లు, వివిధశాఖల అధికారులతో సోమవారం ముఖ్యమంత్రి టెలీకాన్ఫరెన్స్ నిర్వహించారు. కరవు ప్రాంతాల్లో మొత్తంగా 150రోజుల పనిదినాలు కల్పించాలని రానున్న మూడు నెలల్లో మెటీరియల్ ఖర్చుపై శ్రద్ధ చూపాలన్నారు.

అమరావతి, సెప్టెంబర్ 17: ఈ ఐదు నెలలు కీలకం..ప్రజలతో నిరంతరం మమేకం కావాలి.. కలసికట్టుగా పనిచేస్తేనే ఫలితాలు.. గ్రూపు విభేదాలకు స్వస్తిచెప్పండని ముఖ్యమంత్రి చంద్రబాబునాయుడు ఉద్బోధించారు. సోమవారం రాత్రి ఉండవల్లి గ్రీవెన్స్‌హాల్‌లో విజయనగరం జిల్లా నేతలతో సమీక్షా సమావేశం నిర్వహించారు. విజయనగరం మంచి జిల్లా.. అక్కడి ప్రతిపక్షమే చెడు.. చెడు నుంచి ప్రజలను కాపాడాల్సిన బాధ్యత టీడీపీ నేతలదే అన్నారు.