ద్వారకాతిరుమల: చిన్న తిరుపతిగా పేరొందిన పశ్చిమ గోదావరి జిల్లా ద్వారకాతిరుమల శ్రీవారి బ్రహ్మోత్సవాల్లో భాగంగా వేంకటేశ్వరస్వామి కల్యాణ మహోత్సవం ఆదివారం రాత్రి అంగరంగ వైభవంగా జరిగింది. జగద్రక్షకుడైన శ్రీనివాసుడు సర్వాభరణ భూషితుడై నుదుటన కల్యాణ తిలకం, బుగ్గన చుక్కతో సిగ్గులొలుకుతున్న ఉభయదేవేరులను పెళ్లాడారు.

విజయవాడ, ఏప్రిల్ 29: తిరుపతిలో తెలుగుదేశం ప్రభుత్వం తలపెట్టిన ధర్మపోరాట సభ ‘్ధర్మం’పై చంద్రబాబు చేస్తున్న అధర్మ పోరాటమని బీజేపీ అభివర్ణించింది. చంద్రబాబు పదేపదే చెబుతున్నట్లు నరేంద్ర మోదీ ఒక్క తిరుపతిలోనే కాదు, ఏనాడూ ఎక్కడా ప్రత్యేక హోదా ఊసే ఎత్తలేదని పార్టీ ఎంపీ గోకరాజు గంగరాజు, రాష్ట్ర అధికార ప్రతినిధి సుధీష్ రాంభొట్ల స్పష్టం చేశారు. బాబుదంతా అభూత కల్పన అంటూ మండిపడ్డారు.

విజయవాడ, ఏప్రిల్ 29: రాష్ట్రంలోని రైతులకు పోలవరం ప్రాజెక్టు చూపించడానికి రూ. 22.25 కోట్లు కేటాయిస్తూ ప్రభుత్వం పరిపాలనా అనుమతులు ఇవ్వటం ప్రస్తుత ఆర్థిక సంక్షోభంలో ఏమాత్రం తగదని సీపీఎం రాష్ట్ర కార్యదర్శి పి మధు అన్నారు. అన్ని జిల్లాల నుండి ప్రత్యేక బస్సులు ఏర్పాటు చేసి రైతులు, విద్యార్థులను పోలవరం ప్రాజెక్టు చూపించడానికి తీసుకెళుతున్నట్లు ప్రభుత్వం ప్రకటించిందన్నారు.

పామర్రు, ఏప్రిల్ 29: కర్నూలు జిల్లా పాణ్యం నియోజకవర్గ మాజీ ఎమ్మెల్యే, రాయలసీమ సీనియర్ రాజకీయ నేత కాటసాని రాంభూపాల్‌రెడ్డి 500 మంది అనుచరులతో ఆదివారం కృష్ణా జిల్లా పామర్రు మండలం కురుమద్దాలిలో వైకాపా అధినేత జగన్‌మోహనరెడ్డి సమక్షంలో ఆ పార్టీలో చేశారు. జగన్ కాటసానిని సాదరంగా ఆహ్వానించి పార్టీ కండవా కప్పారు.