ముంబయి: అంతర్జాతీయ స్థాయిలో నెలకొన్న మాంద్యం తీవ్ర ప్రభావం చూపడంతో, గురువారం బాంబే స్టాక్ ఎక్ఛ్సేంజ్ (బీఎస్‌ఈ) దారుణంగా దెబ్బతింది. దీనితోపాటు వివిధ అంశాలు ప్రతికూల ప్రభావాన్ని చూపడంతో, ట్రేడింగ్‌లో 344 పాయింట్లు కోల్పోయి, చివరికి 33,690.09 పాయింట్ల వద్ద స్థిరపడింది. బుధవారం నాటి లావాదేవీలతో ఊపందుకున్న బుల్న్ అదే దూకుడును కొనసాగిస్తుందని అంతా అనుకున్నారు.

న్యూఢిల్లీ, అక్టోబర్ 25: భారత్ హెవీ ఎలక్ట్రికల్స్ లిమిటెడ్ (బీహెచ్‌ఈఎల్) షేర్లు డిపాజిట్లు మంచి ఫలితాలు మంచి ఫలితాలు ఇచ్చినప్పటికీ గురువారం ఈ సంస్థ షేర్ల విలువ మాత్ర తగ్గింది. గడచిన సెప్టెంబర్ మాసంతో ముగిసిన త్రైమాసికానికి ఆ సంస్థ 8శాతం ఆదనపు ఆదాయాన్ని ఆర్జించింది. స్టాక్ మార్కెట్‌లో ఈ కంపెనీ ఎన్‌ఎస్‌ఈ షేర్ల విలువ 7.96 శాతం తగ్గిపోయి 69.90 రూపాయల వద్ద నిలిచింది.

న్యూఢిల్లీ, అక్టోబర్ 25: మారుతీ సుజుకీ ఇండియా షేర్ల విలువ గురువారం ఒక శాతం తగ్గింది. గడచిన సెప్టెంబర్ మాసంతో ముగిసిన త్రైమాసికానికి 9.8 శాతం ఆదాయం తరుగుదలను ఈ కంపెనీ నమోదు చేసింది. బీఎస్‌ఈలో ఈ కంపెనీ మార్కెట్ విలువ 065 శాతం తక్కువగా 6,724.70 కోట్లవద్ద ప్రారంభమై గురువారం 2.12 శాతం తగ్గుదలతో 6,625 కోట్ల రూపాయలుగా నిలచింది.

ముంబయి, అక్టోబర్ 25: రూపాయి విలువ గురువారం 11 పైసలు పతనమయింది. విదేశీ పెట్టుబడులు స్థిరంగా తరలిపోతుండటం, భౌగోళిక రాజకీయ ఉద్రిక్తతలు తీవ్రమవుతుండటంతో పాటు దేశీయ స్టాక్ మార్కెట్లు బాగా బలహీనపడటం వంటి అంశాలు రూపాయిని దెబ్బతీశాయి. డాలర్‌తో రూపాయి మారకం విలువ గురువారం 11 పైసలు పతనమయి, 73.27 వద్ద ముగిసింది.