ముంబయి: అనేకానేక అంశాలు ప్రభావితం చేయడంతో, బుధవారం బాంబే స్టాక్ ఏక్ఛ్సేంజ్‌లో లావాదేవీలు లాభాల్లో ముగిశాయి. సెనె్సక్స్ బలడి, మదుపరుల్లో కొంత కాలంగా నెలకొన్న భయాందోళనలకు తెరదించింది. ఇటీవల ఎదురైన నష్టాల ఊబి నుంచి కోలుకున్న స్టాక్ మార్కెట్ రెట్టించిన ఉత్సాహంతో ముందుకు దూసుకెళ్లింది.

ముంబయి, అక్టోబర్ 31: ఈ ఏడాది రెండవ త్రైమాసిక కాలంలో టాటా మోటార్స్ రూ.1009 కోట్ల నికర నష్టాలను నమోదు చేసింది. బ్రిటీష్ ఆర్మ్ జాగర్ లాండ్ రోవర్ పేలవమైన వృద్ధిరేటును సాధించింది. దీని వల్ల నష్టాలు వచ్చాయి. ఈ కంపెనీ గత ఏడాది రెండవ త్రైమాసిక కాలంలో రూ.2501.67 కోట్ల లాభాలను సాధించింది. కాగా ఈ సంస్థ రెవెన్యూ రూ.69,838.68 కోట్ల నుంచి రూ. 72,112.08 కోట్లకు పెరిగాయి. అంటే 3.3 శాతం వృద్ధిరేటు నమోదైంది.

న్యూఢిల్లీ, అక్టోబర్ 31: జెట్ ఎయిర్ వేస్ వెంటనే బకాయిలను చెల్లించాలని డిమాండ్ చేస్తూ విమానాలను లీజుకు ఇచ్చిన సంస్థలు నోటీసులు జారీ చేశారు. జెట్ ఎయిర్‌వేస్ సంస్థ నోటీసులు అందుకున్న వెంటనే లీజు దారులతో చర్చలు ప్రారంభించింది. సంస్థ ఆర్థిక సంక్షోభంలో ఉందని ఆర్థిక సమస్యలు పరిష్కారమైన వెంటనే, బకాయిలను చెల్లిస్తామని పేర్కొంది. ఈ కంపెనీ షేర్ల రేటు 5.71 శాతం మేర పడిపోయి రూ.222.30కు పడిపోయాయి.

న్యూఢిల్లీ: ఐటీ సంస్థ టెక్ మహీంద్రా సెప్టెంబర్ 30తో ముగిసిన రెండో త్రైమాసికంలో 27.2 శాతం వృద్ధితో రూ. 1,064.3 కోట్ల నికర లాభాన్ని ఆర్జించింది. 2017 జూలై- సెప్టెంబర్ త్రైమాసికంలో తాను రూ. 836.2 కోట్ల నికర లాభాన్ని ఆర్జించినట్లు టెక్ మహీంద్రా మంగళవారం ఒక ప్రకటనలో తెలిపింది. అంటే గతేడాది ఇదే త్రైమాసికంతో పోలిస్తే కంపెనీ నికర లాభం 27.2 శాతం వృద్ధి చెందింది.