న్యూఢిల్లీ, అక్టోబర్ 23: భారత్‌లో స్మార్ట్ఫోన్ల అమ్మకాలు ఈ సంవత్సరం జూలై-సెప్టెంబర్ త్రైమాసికంలో అయిదు శాతం పెరిగి, సరికొత్త గరిష్ఠ స్థాయి 44 మిలియన్ యూనిట్లకు చేరుకున్నాయి. పండుగల సీజన్ ముందున్న తరుణంలో హ్యాండ్‌సెట్ల విక్రేతలు భారీగా స్మార్ట్ఫోన్లను అమ్మడం వల్ల సెప్టెంబర్ త్రైమాసికంలో వీటి అమ్మకాలు ఆల్ టైమ్ హైకి చేరుకున్నాయని ‘కౌంటర్‌పాయింట్ రీసెర్చ్’ తన నివేదికలో వెల్లడించింది.

న్యూఢిల్లీ, అక్టోబర్ 23: హెచ్‌సీఎల్ టెక్నాలజీస్ లిమిటెడ్ లాభార్జనలో విశే్లషకుల అంచనాలను మించిపోయింది. ఈ కంపెనీ ఈ ఆర్థిక సంవత్సరం రెండో త్రైమాసికంలో 14.8 శాతం పెరుగుదలతో రూ. 2,534 కోట్ల నికర లాభాలను ఆర్జించింది. హెచ్‌సీఎల్ టెక్నాలజీస్ లిమిటెడ్ తన సాఫ్ట్‌వేర్ సేవల వ్యాపారం నుంచి అధిక ఆదాయాన్ని ఆర్జించడం వల్ల తన నికర లాభాన్ని బాగా పెంచుకోగలిగింది.

విజయవాడ: నౌకా నిర్మాణ రంగంలో ఏపీలో పెట్టుబడులు పెట్టేందుకు దక్షిణ కొరియా సంస్థలు ఆసక్తి కనబరిచాయి. నీటిని శుద్ధి చేసే ప్రక్రియలో సాంకేతికతను అందించేందుకు సంసిద్ధత వ్యక్తం చేశాయి. ఉండవల్లిలోని గ్రీవెన్సు హాల్‌లో ముఖ్యమంత్రి చంద్రబాబు నాయుడిని దక్షిణ కొరియాలో భారత కాన్సులేట్ జనరల్ నేతృత్వంలో ఆ దేశ పారిశ్రామికవేత్తల బృందం సోమవారం కలిసింది. ఏపీలో పెట్టుబడులకు ఉన్న అవకాశాలపై చర్చించింది.

న్యూఢిల్లీ: జాతీయ మార్కెట్‌లో బంగారం ధర సోమవారం స్వల్పంగా తగ్గింది. గత నాలుగు వారాల్లో ఒకటిరెండు సందర్భాలను మినహాయిస్తే, మిగతా అన్ని రోజులూ పెరుగుతునే వచ్చిన పది గ్రాముల బంగారం ధర ఈవారం మొదటి రోజు 50 రూపాయలు తగ్గి రూ.32,220 చేరంది. దసరాకు ముందు, రూ. 32,030 పడిపోయిన బంగారం ధర తర్వాత పుంజుకుంది. కానీ, ఈవారం మొదటి రోజునే యాభై రూపాయలు తగ్గడం అందరినీ ఆశ్చర్యానికి గురి చేస్తుంది.