న్యూఢిల్లీ, అక్టోబర్ 27: జాతీయ మార్కెట్‌లో బంగారం ధర శనివారం స్వల్పంగా తగ్గింది. దేశీయ నగల వ్యాపారుల నుంచి డిమాండ్ కొనసాగుతున్నప్పటికీ, వ్యక్తిగత పెట్టుబడిదారులు వెనుకంజ వేయడంతో, పది గ్రాముల బంగారం ధర 40 రూపాయలు తగ్గి, 32,550 రూపాయలకు చేరింది. ఈ వారం ఆరంభంలో 32,270 రూపాయలుగా ఉన్న పది గ్రాముల బంగారం రేటు క్రమంగా పెరుగుతూ, 25న 32,625 రూపాయలకు చేరింది.

ముంబయిలో
బంగారం (22 క్యారెట్స్)
1 గ్రాము: రూ. 3,125.00
8 గ్రాములు: రూ.25,000.00
10 గ్రాములు: రూ. 31,250.00
100 గ్రాములు: రూ.3,12,500.00
బంగారం (24 క్యారెట్స్)
1 గ్రాము: రూ. 3,330.00
8 గ్రాములు: రూ. 26,640.00
10 గ్రాములు: రూ. 33,300.00
100 గ్రాములు: రూ. 3,33,000
వెండి
8 గ్రాములు: రూ. 330.40

ముంబయి, అక్టోబర్ 26: గ్లోబల్ మార్కెట్ కుదుటపడని కారణంగా, భారత స్టాక్ మార్కెట్ కూడా ప్రభావితమవుతున్నది. ముడి చమురు ధర తగ్గే సూచనలు కనిపించడం లేదు. మరోవైపు అమెరికా, చైనా దేశాల మధ్య వాణిజ్య యుద్ధం తీవ్ర స్థాయికి చేరింది. వివిధ అంశాలు ప్రభావితం చేయడంతో, యూరోపియన్ షేర్లు శుక్రవారం గత రెండు నెలల్లో ఎన్నడూ లేనంత కనిష్ట స్థాయికి పడిపోయాయి.

న్యూఢిల్లీ, అక్టోబర్ 26: దేశంలో ద్రవ్య లోటు గత రెండు నెలలుగా తగ్గుతున్నది. అయితే, స్థూలంగా చూస్తే మాత్రం పరిస్థితి ఇందుకు భిన్నంగా కనిపిస్తున్నది. ఈ ఆర్థిక సంవత్సరం ప్రారంభంలో, అంటే ఏప్రిల్‌లో 1,51,967 కోట్ల రూపాయలుగా ఉన్న ద్రవ్య లోటు మే మాసంలో మరింత పెరిగి, 1,93,526 కోట్ల రూపాయలకు చేరింది. అయితే, కేంద్రం, రిజర్వ్ బ్యాంక్ తీసుకున్న పలు చర్యల కారణంగా, జూన్‌లో 83,540 కోట్ల రూపాయలకు తగ్గింది.