ముంబయి, ఆగస్టు 16: రూపాయి పతనం గురువారం కూడా కొనసాగింది. ఇంటర్‌బ్యాంక్ ఫారిన్ ఎక్స్చేంజ్ మార్కెట్‌లో గురువారం అమెరికా డాలర్‌తో పోలిస్తే రూపాయి మారకం విలువ 16 పైసలు పడిపోయి, 70.15 వద్ద ముగిసింది. డాలర్‌తో పోలిస్తే రూపాయి విలువ 70 మార్కుకన్నా కిందికి దిగజారడం చరిత్రలో ఇదే మొదటిసారి. టర్కీ కరెన్సీ సంక్షోభం ప్రతికూల ప్రభావం వల్ల రూపాయి బలహీనపడుతోంది.

ముంబయి: రూపాయి మరింత బలహీనపడింది. అమెరికా డాలర్ మారకంతో భారత రూపాయి విలువ ఎన్నడూ లేని రీతిలో భారీగా గురువారం ట్రేడింగ్‌లో తాజా జీవన కాల కనిష్ఠానికి పడిపోయింది. నేడు డాలరుతో రూపాయి మారకం విలువ రూ.70.32కు చేరింది.

న్యూఢిల్లీ, ఆగస్టు 15: భారత స్టాక్ మార్కెట్లలో బుల్ రన్ కొనసాగుతున్నప్పటికీ దానివల్ల బాగా లాభపడుతున్నది మార్కెట్ విలువ ఎక్కువగా గల పెద్ద కంపెనీలే. బొంబాయి స్టాక్ ఎక్స్చేంజ్ (బీఎస్‌ఈ)లో ఈ సంవత్సరం ఇప్పటి వరకు జరిగిన లావాదేవీల గణాంకాలను పరిశీలిస్తే ఈ విషయం అర్థమవుతుంది. మిడ్‌క్యాప్, స్మాల్‌క్యాప్ కంపెనీల షేర్లు మదుపరులను ఆకట్టుకోలేక పోయాయి.

న్యూఢిల్లీ, ఆగస్టు 15: నానాటికీ పెరుగుతున్న బ్యాంకుల నిరర్థక ఆస్తుల (ఎన్‌పీఏల) విలువను తగ్గించేందుకు రిజర్వు బ్యాంక్ ఆఫ్ ఇండియా ఎంపిక చేసిన బ్యాంకుల అకౌంట్లను ఆడిట్ చేయనుంది. దాదాపు 200కు పైగా పెద్ద అకౌంట్ల లావాదేవీలను నిశితంగా పరిశీలించాలని ఆర్‌బీఐ నిర్ణయించింది. దీని వల్ల బ్యాంకుల నిరర్థక ఆస్తుల విలువను తగ్గించేందుకు వీలవుతుంది.