S ,7 à 8 RSCA (si SASPAS) et 6 cialis pharmacie cialis rapports de stage.

బిజినెస్

09/10/2018 - 12:12

న్యూఢిల్లీ : మరోసారి రూపాయి బలహీనపడింది. సోమవారం డాలర్‌తో రూపాయి మారకం విలువ 45 పైసలు క్షీణించి 72.18 వద్ద ముగిసింది. దీంతో జీవితకాల కనిష్టానికి రూపాయి విలువ పడిపోయింది. ముడి చమురు ధరలు పెరగడంతో భారీస్థాయిలో దేశీయ కరెన్సీపై ప్రభావం పడింది.

09/10/2018 - 04:25

న్యూఢిల్లీ: రిలయన్స్ జియో, భారతి ఎయిర్‌టెల్, ప్రస్తుతం ఒకటిగా కలిసి వొడాఫోన్, ఐడియా తదితర సర్వీస్ ప్రొవైడర్లకు టెలికారం నియంత్రణ సంస్థ (ట్రాయ్) జరిమానా విధించింది. ఈ ఆర్థిక సంవత్సరం మొదటి త్రైమాసికంలో వినయోగదారులకు సరైన సేవలను అందించడంలో విఫలమైన కారణంగా ఈ వడ్డింపు చేసింది. 2016లో మొబైల్ రంగంలోకి సంచలనాత్మక ప్లాన్స్‌తో దూసుకొచ్చిన రిలయన్స్ జియోపై 34 లక్షల రూపాయలు జరిమానా విధించినట్టు సమాచారం.

09/10/2018 - 02:15

న్యూఢిల్లీ, సెప్టెంబర్ 9: రూపాయలు మారకపు విలువను పెంచడానికి, బ్యాంకులపై నమ్మకాన్ని కల్పించడానికి భారతీయ రిజర్వ్ బ్యాంకు (ఆర్‌బీఐ) తీసుకుంటున్న చర్యలు చెప్పుకోదగ్గ ఫలితాలను ఇవ్వడం లేదు. విదేశీ మారక ద్రవ్యం నిల్వలు పెరగాలంటే ఎగుమతుల్లో పెరుగుదల అత్యవసరం. ఈ దిశగానే ఆర్‌బీఐ గవర్నర్ ఉర్జిత్ పటేల్ పలు ప్రతిపాదనలు చేశారు. ప్రణాళికలను రూపొందించారు.

09/10/2018 - 02:13

ఈ-కామర్స్ రంగంలో విదేశీ ప్రత్యక్ష పెట్టుబడులు (ఎఫ్‌డీఐ), ఈ-కామర్స్ విధానాలను వ్యతిరేకిస్తూ అమృత్‌సర్‌లో ఆదివారం భారీ ప్రదర్శన చేస్తున్న పంజాబ్ పంపిణీదారుల సంఘం ప్రతినిధులు. కేంద్రం అనుసరిస్తున్న విధానాల వల్ల దేశంలోని వ్యాపారులు భారీగా నష్టపోతున్నారని వారు ఆరోపించారు.

09/10/2018 - 02:10

న్యూఢిల్లీ, సెప్టెంబర్ 9: దుబాయ్‌లో అత్యంత అధునాతనమైన సైబర్ సెక్యూరిటీ రెస్పాన్స్ (సీఎస్‌ఆర్) సెంటర్‌ను ఏర్పాటు చేసినట్టు టాటా కమ్యునికేషన్స్ ప్రకటించింది. ఇరవై నాలుగు గంటలూ ఈ సీఎస్‌ఆర్ వ్యవస్థ పని చేస్తుందని తెలిపింది. మధ్య తూర్పు ప్రాంతంలో ఇటీవల సైబర్ నేరాలు పెరగడంతో, సీఎస్‌ఆర్ సేవలు అక్కడ ప్రాధాన్యతను సంతరించుకున్నట్టు బీఎస్‌ఈ ఫైలింగ్‌లో టాటా కమ్యునికేషన్స్ వివరించింది.

09/10/2018 - 02:10

న్యూఢిల్లీ, సెప్టెంబర్ 9: జాతీయ స్టాక్ ఎక్ఛ్సేంజిలో వ్యాపార లావాదేవీలు ఇదే తరహాలో కొనసాగితే, డిసెంబర్ మాసంతంలోగా నిఫ్టీ 12,000 పాయింట్లకు అసాద్యమేమీ కాదని ఆర్థిక నిపుణులు స్పష్టం చేస్తున్నారు. ఈ ఆర్థిక సంవత్సరం ప్రారంభం నుంచి నిఫ్టీ దూకుడును కొనసాగిస్తున్నది. మదుపరుల ఆసక్తి పెరగడంతో నిఫ్టీ లాభాల బాటపట్టింది.

09/10/2018 - 02:09

న్యూఢిల్లీ, సెప్టెంబర్ 9: బంగ్లాదేశ్‌కు 300 మెగావాట్స్ విద్యుత్ సరఫరాను ఎన్‌టీపీసీ ఆదివారం అర్థరాత్రి ప్రారంభించింది. ఎన్‌టీపీసీ నిర్వాహణలోని విద్యుత్ వ్యాపార్ నిగమ్ లిమిటెడ్ (ఎన్‌వీవీఎన్) ఈ సరఫరా బాధ్యతలను తీసుకుంది. బంగ్లాదేశ్ విద్యుత్ అభివృద్ధి బోర్డు (బీపీడీబీ)తో ఈనెల ఆరోతేదీన విద్యుత్ కొనుగోలు ఒప్పందాన్ని ఎన్‌వీవీఎన్ కుదుర్చుకుందని ఎన్‌టీపీసీ ఒక ప్రకటనలో తెలిపింది.

09/10/2018 - 02:08

న్యూఢిల్లీ, సెప్టెంబర్ 9: రెడీమేడ్ వస్త్ర మార్కెట్ దిగ్గజయం జెనెసిస్ కలర్స్ లిమిటెడ్ (జీసీఎల్)లో రిలయన్స్ రీటైల్ అదనంగా మరో 16.31 శాతం వాటాలను కొనుగోలు చేసింది. 34.80 కోట్ల రూపాయల వ్యయంతో ఈ వాటాలను పొందినట్టు రిలయన్స్ ఇండస్ట్రీస్ లిమిటెడ్ (రిల్) తెలిపింది. ముఖేష్ అంబానీకి చెందిన రిల్‌లో రిలయన్స్ రీటైల్ వెంచర్స్ లిమిటెడ్ (ఆర్‌ఆర్‌వీఎల్) అనుబంధ సంస్థగా ఉంది.

09/10/2018 - 02:07

న్యూఢిల్లీ, సెప్టెంబర్ 9: జూన్ మాసంతో అంతమయ్యే ఈ ఆర్థిక సంవత్సరం త్రైమాసిక ఫలితాలను దాఖలు చేయని గీతాంజలి జెమ్స్ కంపెనీకి జాతీయ స్టాక్ ఎక్ఛ్సేంజి (ఎన్‌ఎస్‌ఈ) నోటీసులు జారీ చేసింది. మెహుల్ చోక్సీకి చెందిన గీతాంజలి సంస్థ వేల కోట్ల రూపాయల రుణాలను ఎగవేసిన విషయం తెలిసిందే.

09/09/2018 - 03:54

ముంబయి: వరుసగా ఆరు వారాల పాటు బలపడిన దేశీయ స్టాక్ మార్కెట్లు శుక్రవారంతో ముగిసిన ఈ వారంలో నష్టపోయాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ ఈ వారంలో 255.25 పాయింట్లు పడిపోయి 38,389.82 పాయింట్ల వద్ద ముగియగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 91.40 పాయింట్లు పడిపోయి, 11,589.10 పాయింట్ల వద్ద స్థిరపడింది.

Pages