లాహోర్, డిసెంబర్ 29: పాక్ మాజీ నియంత పర్వేష్ ముషారఫ్ ఓ పెద్ద పిరికిపంద అని, ఆయన స్వయంప్రకటిత అజ్ఞాత వాసం నుంచి దేశానికి తీసుకురావాలని పదవీచ్యుత ప్రధాని నవాజ్ షరీఫ్ శుక్రవారం న్యాయ వ్యవస్థను డిమాండ్ చేశారు. దేశాధ్యక్షుడిగా నియంతగా పాల్పడిన అరాచకలన్నింటికీ ముషారఫ్‌ను బాధ్యుడిని చేయాలని షరీఫ్ కోరారు. ముషారఫ్‌పై ఎమర్జన్సీ విధింపు, దేశద్రోహ నేరాలకు సంబంధించిన కేసులు దాఖలయ్యాయి.

జింబాబ్వేను ఏళ్లకు ఏళ్లు పరిపాలించి తన నియంతృత్వ పోకడలతో జనాన్ని అన్ని విధాలుగా వణికించి, హక్కులను కాలరాసిన రాబర్ట్ ముగాబే ఎట్టకేలకు గద్దె దిగడం..ప్రపంచ ప్రజలు ప్రజాస్వామ్యానే్న కోరుకుంటున్నారని, తమ హక్కులకు భంగం కలిగితే సహించరని చాటి చెప్పే మరో అంతర్జాతీయ కీలక పరిణామం. రాజకీయాల్లో ముఖ్యంగా నియంతృత్వాల్లో వారసత్వమేమిటంటూ జింబాబ్వే ప్రజలు వీధికెక్కడంతో ముగాబేకు తోకముడవక తప్పలేదు.

ప్రపంచ దేశాలను గడగడలాడించిన ఉత్తర కొరియా నియంత కిమ్‌జోంగ్ కొరకరాని కొయ్యగా మారారు. ఒకదాని తర్వాత ఒకటిగా క్షిపణి పరీక్షలు జరుపుతూ, ఖండాంతర పరీక్షలూ నిర్వహిస్తూ ప్రపంచ దేశాలను వణికించాడు. ఇటు ఐరాస, అటు అమెరికాలు ఆంక్షల మీద ఆంక్షలు విధిస్తున్నా నిమ్మకు నీరెత్తిన చందంగా వ్యవహరించిన ఉత్తర కొరియా నేత తన చర్యలతో ఇరుగు పొరుగు దేశాలను ముప్పుతిప్పలు పెడుతున్నాడు.

ఇస్లామాబాద్, డిసెంబర్ 28: తమ ప్రాదేశిక జలాల్లో చేపల వేట చేస్తున్నారన్న అభియోగంపై పాకిస్తాన్ నిర్బంధించిన భారత జాలర్లలో 145 మందికి విముక్తి లభించింది. పాక్, భారత్‌ల మధ్య మాటల యుద్ధం కొనసాగుతున్నప్పటికీ భారత జాలర్లను దాయాది దేశం విడిచిపెట్టడం గమనార్హం.