S ,7 à 8 RSCA (si SASPAS) et 6 cialis pharmacie cialis rapports de stage.
సబ్ ఫీచర్
ప్రజ్ఞానయోగం
భారతదేశం ఒక పెద్ద ఆధ్యాత్మిక గని. ఇక్కడే దర్శనాలు, ఉపనిషత్తులు, గీత, వేదాలు వెలిశాయి. వీటిని చక్కగా, శుద్ధంగా ప్రచురించి, ఆసక్తిగల పాఠకులకు ప్రపంచవ్యాప్తంగా అందించాలి. మనకు అనాదియైన ఋషి పరంపర వుంది. వారి జీవితాలూ, సందేశాలూ మనకు అమూల్య వారసత్వ సంపదగా లభించాయి. విస్తారమైన ఆ ఆధ్యాత్మిక క్షేత్రంలో నీవు ఏ మూల తవ్వినా నీకు అపార అమూల్య ఆధ్యాత్మిక సంపదలు లభ్యం అవుతాయి.
శోక పట్టణం
సాధనలోగాని, సంసారంలోగాని ‘ఏ పనీ బాగా ఆలోచించి గాని చేయకూడదు. అది నీ మేలుకేనన్న విశ్వాసం నీకు కలిగినప్పుడే దానిని ఆచరించాలి. లేకపోతే శోక పట్టణం గతే పడుతుంది.
ఒకట్లన్నీ ఒకటే!
ప్రాపంచిక గణిత శాస్త్రంలో 1+1+1+1+=4 అవుతుంది. కాని ఆధ్యాత్మిక గణిత శాస్త్రంలో 1 కోటి ‘1’లను కలిపినప్పటికీ అది 1 మాత్రమే అవుతుంది. ‘రామయ్య ఎవరు?’ అంటే ‘నేను’అంటూ ఒకడు లేస్తాడు. కృష్ణయ్య ఎవరు? అంటే‘నేను’ అంటూ మరొకడు లేస్తాడు. ఈ విధంగా ఎవరిని పిలిచినా ‘నేను’అంటారు. ‘నేనూ’ ఈ అందరియందూ ఉంటున్నది. కనుక ‘నేను’అనగా ఆత్మతత్త్వము. ఇది అనేకత్వంలో ఏకత్వంగా ఉంటున్నది.
పశువుతో సమానం
పెద్దలను గౌరవించని, తల్లిదండ్రులను ప్రేమించని, గురువులను విశ్వసించని మానవ జీవితం ఒక జీవితమా? బాల్యములో బంధువులను, కౌమారములో గురువులను, వనంలో పెద్దలన, వార్థక్యంలో ఋషులను సంతోషపెట్టలేని మానవ జీవితం కేవలం ఒక పశుజీవితమనే చెప్పవచ్చును.
తారక నామం
తల్లీ, తండ్రీ అంటే మీకు ఏమాత్రం భక్తివున్నా రామనామం మిమ్మల్ని రక్షిస్తుంది.
మనస్ఫూర్తిగా మననం
ఈనాడు భగవంతుణ్ణి చింతిస్తున్నాం. స్మరిస్తున్నాం. శ్లోకాలు ఉచ్ఛరిస్తున్నాం. పాటలు పాడుతున్నాం. భజనలు చేస్తున్నాము. కాని భగవంతుని అనుగ్రహమునుమాత్రం పొందలేకపోతున్నాము. కారణమేమిటి?