విద్యార్థులకు విద్యనందించడానికి, విద్యావ్యాప్తికోసం కేంద్ర, రాష్ట్ర ప్రభుత్వాలు యేటా కోట్లాది రూపాయలు వెచ్చిస్తున్నా ఆశించిన ఫలితం లభించడం లేదు. అన్నిరకాల సౌకర్యాలతో పాఠశాలలు నిర్వహిస్తున్నా, సంక్షేమ పథకాలు ప్రవేశపెట్టి విద్యార్థులకు అందిస్తున్నా, ప్రభుత్వ పాఠశాలల్లో విద్యార్థుల సంఖ్య నానాటికీ తగ్గిపోతున్నది.

నాగర్‌కర్నూల్, ఏప్రిల్ 28: గ్రామీణ ప్రాంత కూలీలను ఆదుకునేందుకు ప్రభుత్వం వెంటనే చర్యలు తీసుకోవాలని బిజెపి జిల్లా కార్యదర్శి బుసిరెడ్డి సుబ్బారెడ్డి ప్రకటనలో డిమాండ్ చేశారు. వలసపోయే వారిలో ఎక్కువగా దళితులు, గిరిజనులు ఉన్నారని, వారికి సరైన ఉపాధి అవకాశాలులేనందున ప్రతి సంవత్సరం వలసపోవడం జరుగుతుందని తెలిపారు.

ధన్వాడ, ఏప్రిల్ 28: ధన్వాడ మండలంలోని మధ్వార్ గ్రామానికి కోయిల్ సాగర్ ప్రాజెక్టు ద్వారా సాగునీరు అందించాలని గ్రామరైతులు గురువారం ధర్నా కార్యక్రమంను నిర్వహించారు. ఈ సందర్భంగా గ్రామ ఎంపిటిసి రాము, గ్రామ నాయకులు బాలస్వామి, రంజిత్‌కుమార్‌లు మాట్లాడుతూ గ్రామంలో ఉన్న పెద్దచెరువు,దోబ్బోని కుంట కు కోయిల్ సాగర్ ప్రాజెక్టు ద్వారా సాగునీరు అందించాలని ప్రభుత్వాన్ని వారు డిమాండ్ చేశారు.

మహబూబ్‌నగర్, ఏప్రిల్ 28: జిల్లాలో తాగునీటి పరిస్థితిని ఎప్పటికప్పుడు పర్యవేక్షించాలని కలెక్టర్ శ్రీదేవి ఆర్‌డబ్ల్యూఎస్ అధికారులను ఆదేశించారు. గురువారం తన క్యాంపు కార్యాలయంలో తాగునీటి పరిస్థితులపై సమీక్షించారు. ఈ సందర్భంగా కలెక్టర్ మాట్లాడుతూ ప్రజలు తాగునీటికి ఇబ్బంది పడకుండా తగు చర్యలు తీసుకోవాలని అవసరమైన చోట మంచినీటిని ట్యాంకర్ల ద్వారా సరఫరా చేయాలని తెలిపారు.