న్యూఢిల్లీ, జనవరి 22: తెలంగాణలో దాదాపు ఆరు లక్షల మంది యువతకు ఉపాధి కల్పించే పెట్టుబడులు, వస్తుతయారీ జోన్, ఫార్మానిమ్జ్,్ధన్యం ప్రాసెసింగ్ క్లస్టర్‌తో పాటు నాలుగు ఎస్‌ఇజడ్‌లకు కేంద్ర ప్రభుత్వం ఆమోదం తెలిపింది. కేంద్ర వాణిజ్య మంత్రి నిర్మలా సీతారామన్ శుక్రవారం సాయంత్రం విలేఖరుల సమావేశంలో ఈ విషయాన్ని వెల్లడించారు. తెలంగాణకు మంచి రోజులు వచ్చాయంటూ ఈ సందర్భంగా వ్యాఖ్యానించారు.

హైదరాబాద్, జనవరి 22: ఆంధ్రప్రదేశ్‌లో వ్యవసాయ రంగాన్ని లాభసాటిగా మార్చేందుకు ముఖ్యమంత్రి చంద్రబాబునాయుడు చేస్తున్న కృషికి ప్రపంచ ఆర్థిక వేదిక మద్దతు తెలిపింది. వ్యవసాయ రంగంలో ఉత్తమ సాగు విధానాల అధ్యయనం, అమలుకు సహకారం అందించేందుకు ఆంధ్రప్రదేశ్‌తో కలిసి పని చేయాలని నిర్ణయించినట్లు స్పష్టం చేసింది. దావోస్ పర్యటనలో ఉన్న చంద్రబాబు ప్రపంచ ఆర్థిక వేదిక సదస్సులో పాల్గొన్నారు.

హైదరాబాద్, జనవరి 22: ఆంధ్ర, తెలంగాణ ప్రభుత్వాలు పండ్ల పక్వానికి ఉపయోగించే కాల్షియం కార్బైడ్ వినియోగాన్ని అరికట్టేందుకు చర్యలు తీసుకోవడంలో విఫలమయ్యాయని హైకోర్టు అభిప్రాయపడింది. ఫిబ్రవరి 1వ తేదీన రెండు రాష్ట్రాల వ్యవసాయ శాఖ ముఖ్య కార్యదర్శులు కోర్టు ఎదుట హాజరు కావాలని హైకోర్టు ధర్మాసనం శుక్రవారం ఆదేశించింది.

న్యూఢిల్లీ, జనవరి 22: హైదరాబాద్ కేంద్ర విశ్వవిద్యాలయంలో పిహెచ్‌డి విద్యార్థి వేముల రోహిత్ ఆత్మహత్యకు దారితీసిన పరిస్థితులపై న్యాయ విచారణ జరిపించాలని కేంద్ర మానవ వనరుల శాఖ శుక్రవారం నిర్ణయించింది. కేంద్రీయ విశ్వవిద్యాలయాల్లోని దళిత, బడుగు, బలహీన వర్గాల విద్యార్థుల ప్రయోజనాలు కాపాడేందుకు, వివక్షతను కఠినంగా అరికట్టేందుకు మనవ వనరుల శాఖ పలు నిర్ణయాలను ప్రకటించింది.