లక్నో, జనవరి 22: ప్రపంచంలోనే అత్యంత వేగంగా అభివృద్ధి చెందుతున్న ఆర్థిక వ్యవస్థగా భారత దేశాన్ని తీర్చిదిద్దాలన్నదే తన ప్రభుత్వ ఆశయమని ప్రధాని నరేంద్ర మోదీ ఉద్ఘాటించారు. ఆర్థిక వ్యవస్థను శక్తివంతంగా తీర్చిదిద్దడమే కాకుండా పేదల జీవితాల్లో మార్పు తేవడం కూడా తమ ధ్యేయమని స్పష్టం చేశారు. పేదల జీవితాల్లో మార్పు తెస్తే వారికి ఉపాధి అవకాశాలు పెంపొందుతాయని, తమ సొంతకాళ్లపై నిలబడగులుగుతారని మోదీ అన్నారు.

నల్లగొండ, జనవరి 22: దేశంలోనే నల్లగొండ జిల్లా యాదాద్రి దేవస్థానాన్ని దర్శనీయ దివ్య క్షేత్రంగా, ఆధ్యాత్మిక కేంద్రంగా అభివృద్ధి చేయనున్న నేపథ్యంలో పెరుగనున్న భక్తుల సౌకర్యార్ధం ఎంఎంటిఎస్ రైల్ సర్వీస్ రెండో దశను ఘట్‌కేసర్ నుండి రాయగిరి(యాదాద్రి) రైల్వే స్టేషన్ వరకు పొడిగించాలని కోరుతూ ముఖ్యమంత్రి కె.చంద్రశేఖర్‌రావు శుక్రవారం కేంద్ర రైల్వే శాఖ మంత్రి సురేష్ ప్రభుకు లేఖ రాశారు.

హైదరాబాద్, జనవరి 22: వర్శిటీ రీసెర్చ్ స్కాలర్ రోహిత్ ఆత్మహత్యపై కేంద్రం అవాస్తవాలు చెబుతోందని జెడియు పార్లమెంట్ సభ్యులు త్యాగి, పవన్‌కుమార్ ఆరోపించారు. శుక్రవారం వర్శిటీ ప్రాంగణంలో విద్యార్థులు చేపట్టిన నిరాహార దీక్ష శిబిరాన్ని వారు సందర్శించారు. విద్యార్థుల ఆందోళనకు సంఘీభావం తెలిపారు.

హైదరాబాద్, జనవరి 22: ఆత్మహత్య చేసుకున్న విద్యార్థి రోహిత్‌ది ఏ కులమనే విషయమై చర్చలు సాగుతున్న నేపథ్యంలో తమది వడ్డెర కులమేనని అతని తండ్రి తేల్చి చెప్పారు. రోహిత్ తండ్రి మణికుమార్ శుక్రవారం మీడియా ముందుకు వచ్చారు. తాను దళితుడిని కాదని, బిసి ‘ఏ’ గ్రూపునకు చెందిన వాడని ఓ టివి చానెల్‌కు ఇచ్చిన ఇంటర్వ్యూలో పేర్కొన్నారు.