ఖైరతాబాద్, జూలై 16: తెలుగు రాష్ట్రాల్లో సంచలనం సృష్టించిన వ్యాపారి రాంప్రసాద్ హత్యకేసుతో సంబంధం ఉన్న మరో నలుగురు నిందితులను పంజాగుట్ట పోలీసులు అరెస్టు చేశారు. ఈనెల 6న పంజాగుట్ట దుర్గానగర్ కాలనీలోని వెంకటేశ్వర స్వామి దేవాలయం సమీపంలో రాంప్రసాద్ దారుణ హత్యకు గురైన విషయం తెలిసిందే. వ్యాపార లావాదేవీల్లో ఏర్పడ్డ వివాదంతో కే.సత్యనారాయణకు మృతుడు రాంప్రసాద్ మధ్య శత్రుత్వం ఏర్పడింది.

కులకచర్ల, జూలై 16: మండలంలోని గణాపురం గ్రామానికి చెందిన సునీల్‌కు మంగళవారం ఉదయం పేటీఎం నుంచి ఫోన్ చేస్తున్నట్లు నమ్మించిన సైబర్ నేరగాళ్లు వివిధ పద్ధతుల్లో బాధితుని ఏటీఎం కార్డు సంఖ్య సంపాదించి అతని ఖాతా ద్వారా రూ.25 వేలు తస్కరించారు. విషయం తెలియని సునీల్ నిజంగానే బ్యాంకువాళ్లే ఫోన్‌చేసి ఉండవచ్చునని వివరాలన్నీ తెలిపాడు. దీంతో వెంటనే ఖాతా నుంచి రూ. 25 వేలు డెబిట్ అయినట్లు సందేశం వచ్చింది.

శంకర్‌పల్లి, జూలై 16: గుర్తు తెలియని యువకుడు రైలు కింద పడిన సంఘటన వికారబాద్ పోలీసుసేష్టన్ పరిధిలో చోటు చేసుకుంది . రైల్వే పోలీసుల కథనం ప్రకారం.. మంగళవారం మధ్యాహ్నం వికారాబాద్ నుంచి హైదరాబాద్ వైపు వెళ్లే శతాబ్ది ఎక్స్‌ప్రెస్ రైలు కింద పడి శంకర్‌పల్లి వద్ద వ్యక్తి మృతి చెందాడు. మృతుడి వయస్సు 35 సంవత్సరాలు ఉంటుందని అన్నారు.

శేరిలింగంపల్లి, జూలై 16: బీహెచ్‌ఈఎల్‌లో ఓ వ్యక్తి దారుణ హత్యకు గురయ్యాడు. పీకలదాకా తాగి మిత్రులే హత్య చేయడం గమనార్హం. ఇంటి యజమానిని అదుపులోకి తీసుకున్న పోలీసులు మిగతా ఇద్దరి కోసం గాలిస్తున్నారు. చందానగర్ ఇన్‌స్పెపెక్టర్ బీ.రవీందర్ కథనం ప్రకారం హత్యోదంతం వివరాలిలా ఉన్నాయి.