నకిరేకల్, జూలై 19: ఇద్దరు విద్యార్థులను పాఠశాల ఉపాధ్యాయులు కొట్టడంతో తీవ్రంగా గాయపడ్డ సంఘటన నల్గొండ జిల్లా నకిరేకల్‌లో శుక్రవారం చోటుచేసుకుంది. దీంతో విద్యార్థుల తల్లిదండ్రులు పాఠశాలకు చేరుకొని ఆగ్రహం వ్యక్తం చేసి ఆందోళన చేశారు. నకిరేకల్‌లోని శ్రీకృష్ణవేణి పాఠశాలలో ఎనిమిదో తరగతి చదువుతున్న కమర్ కుమారుడు కుమేజ్‌ను తరగతి గణిత ఉపాధ్యాయుడు అప్పారావు రూలకర్రతో కొట్టడంతో తలపై స్వల్పగాయాలయ్యాయి.

గోపాలపురం, జూలై 19: కుటుంబ వివాదాల నేపథ్యంలో భార్త, అత్తను కత్తితో నరికి హత్యచేసిన కిరాతకుడి ఉదంతమిది. ఈ ఘటన పశ్చిమ గోదావరి జిల్లా గోపాలపురం మండలం దొండపూడి గ్రామంలో శుక్రవారం రాత్రి చోటుచేసుకుంది. పోలీసుల కథనం ప్రకారం మండలంలోని రాంపాలెం గ్రామానికి చెందిన కుమ్మరి కాంతారావు దొండపూడి గ్రామానికి చెందిన కప్పల లక్ష్మిని పదేళ్ల కిత్రం వివాహం చేసుకున్నాడు. వీరికి ఇద్దరు మగ పిల్లలున్నారు.

తిరుపతి, జూలై 19: తిరుమల రెండవ ఘాట్‌రోడ్డులో హరిణి వద్ద శుక్రవారం మరోమారు చిరుత పులి సంచరించింది. రాత్రి ఎనిమిది గంటల సమయంలో ద్విచక్ర వాహనంపై తిరుమలకు వెళుతున్న వ్యక్తి చిరుతపులి రోడ్డు దాటడాన్ని చూసి భయాందోళనకు గురయ్యాడు. దీంతో వాహనాన్ని వేగంగా నడిపాడు. భీతిల్లిన చిరుత వాహన చోదకులపై దాడి చేసే ప్రయత్నం జరిగినట్లు తెలుస్తోంది.

న్యూఢిల్లీ, జూలై 19: జాతీయ పౌరసత్వ జాబితా (ఎన్‌ఆర్‌సీ)లో పలువురి పేర్లు తప్పుగా నమోదు కావడం, మరికొందరి పేర్లు లేకపోవడం వల్ల తుది జాబితా తయారీకి వీలుగా ప్రస్తుతం ఉన్న జూలై 31 గడువును పొడిగించాలని కేంద్ర ప్రభుత్వం, అస్సాం రాష్ట్ర ప్రభుత్వం సుప్రీంకోర్టును కోరాయి. ఇదే సందర్భంలో ‘్భరత్‌ను ప్రపంచంలోని నిరాశ్రయుల రాజధాని’గా మార్చలేమని కేంద్రం వ్యాఖ్యానించింది.