నారాయణఖేడ్ సెప్టెంబర్ 4 అంతర్ రాష్ట్ర బంది పోటు ముఠాను నారాయణఖేడ్ పోలీసులు సీఐ వెంకటేశ్వర్, సీసీఎస్ సీఐ శ్రీనివాస్‌నాయుడు ఆధ్వర్యంలో విచారణ జరిపి మంగళవారంనారాయణేడ్ మండలం నిజంపేట బస్టాండ్ వద్ద మోటారు సైకిల్‌పై నాందేడ్ వైపునుంచి వస్తుండగా పట్టుకున్నామని సంగారెడ్డి ఎస్పీ చంద్రశేఖర్‌రెడ్డి తెలిపారు.

చిత్తూరు, సెప్టెంబర్ 4: చీటీల పేరుతో కోట్లాది రూపాయలు దండుకొని చీటీల నిర్వాహకుడు ఉడాయించిన సంఘటన చిత్తూరు నగరంలో ఆలస్యంగా వెలుగు చూసింది. దీంతో మంగళవారం బాధితులు ఆందోళనకు దిగి చివరకు పోలీసులను ఆశ్రయించారు. వివరాలిలా ఉన్నాయి. చిత్తూరు నగరంలో ప్రైవేట్ పాఠశాల నిర్వాహకుడు నాగరాజు గత కొంత కాలంగా నగరంలో చీటీలు, ఫైనాన్స్ నడిపేవాడు.

లక్నో, సెప్టెంబర్ 3: ఉత్తరప్రదేశ్ పబ్లిక్ సర్వీసెస్ సెలక్షన్ కమిషన్ నిర్వహించిన ట్యూబ్‌వెల్ ఆపరేటర్స్ రిక్రూట్‌మెంట్ టెస్టు పేపర్ల లీకేజీకి సంబంధించి 11 మందిని అరెస్టు చేసినట్లు పోలీసులు తెలిపారు. ఆ పోస్టులకు శనివారం జరగాల్సిన హిందీ పరీక్ష పత్రం లీక్ కావడంతో యూపీఎస్‌ఎస్‌ఎస్‌సీ పరీక్షను వాయిదా వేసింది.

పెద్దపల్లి రూరల్, సెప్టెంబర్ 3: అప్పుల బాధ తట్టుకోలేక ఓ కౌలు రైతు పురుగుల మందుతాగి ఆత్మహత్యకు పాల్పడ్డాడు. ఈ నెల 1వ తేదీన ఆత్మహత్యకు పాల్పడిన రైతు కరీంనగర్ ఆస్పత్రిలో చికిత్స పొందుతూ ఆదివారం రాత్రి తుది శ్వాస విడిచాడు. గ్రామస్థులు, పోలీసుల కథనం ప్రకారం వివరాలు ఇలా ఉన్నా యి. మండలంలోని కొత్తపల్లి గ్రామానికి చెందిన ఈర్ల సుధాకర్ (34) అనే కౌలు రైతు క్రిమి సంహారక మందు సేవించి ఆత్మహత్యకు పాల్పడ్డాడు.