శంఖవరం, సెప్టెంబర్ 7: శంఖవరంలోని ఎస్సీ కాలనీలో గురువారం జరిగిన జంట హత్యల నేపథ్యంలో ఎస్సీ కాలనీవాసులు భయం గుప్పెట్లో గడుపుతున్నారు. ఊహించని రీతిలో జరిగిన ఈ హత్యల ఘటనలతో ప్రజలు భీతావహులయ్యారు. ఎక్కడ చూసినా వీధులు నిర్మానుష్యంగా కనబడుతున్నాయి. కాలనీలో శాంతిభధ్రతల నేపధ్యంలో పోలీస్ పికెట్లు కొనసాగిస్తుండగా, 144 సెక్షన్ అమల్లో ఉండటంతో వీధులన్నీ పోలీసుల పహారాతో కన్పిస్తున్నాయి.

పొదలకూరు, సెప్టెంబర్ 7: పెద్దలకు ఇష్టంలేని ప్రేమవివాహం చేసుకున్న ప్రేమజంట శుక్రవారం స్థానిక పోలీసులను ఆశ్రయించింది. కలువాయి మండలం కుళ్లూరుకు చెందిన నరసింహులు, అదే గ్రామానికి చెందిన స్వప్న గతకొంత కాలంగా ప్రేమించుకుంటున్నారు. వీరిద్దరూ మేజర్లు కావడంతో నాలుగు రోజుల కిందట పెద్దలకు తెలియకుండా కడపకు వెళ్లి అక్కడ ఒక గుడిలో పెళ్లిచేసున్నారు.

బి.కొత్తకోట, సెప్టెంబర్ 7: మండలంలోని గుమ్మసముద్రం వద్ద కరెంట్ స్తంభాన్ని స్కూల్ వ్యాన్ ఢీకొని ఆరుగురు పిల్లలకు గాయాలైన సంఘటన శుక్రవారం సాయంత్రం జరిగింది. వివరాలలోకి వెళ్తే బి.కొత్తకోట పట్టణంలోని శ్రీ్భగవాన్ సాయిరాం స్కూల్ విద్యార్థులు వ్యాన్‌లో 20మంది పిల్లలతో గట్టుకు బయలుదేరింది.

అరకులోయ, సెప్టెంబర్ 7: మండలంలోని యండపల్లివలస సమీపాన శుక్రవారం జరిగిన రోడ్డు ప్రమాదంలో ఐదుగురు గాయపడ్డారు. గాయపడిన వారిలో ఒకరి పరిస్థితి విషమంగా ఉండడంతో స్థానిక ఏరియా ఆసుపత్రిలో ప్రధమ చికిత్స అనంతరం మెరుగైన వైద్యం కోసం మైదాన ప్రాంతానికి తరలించారు. అరకులోయ నుంచి అరకు సంత వరకు వెళుతున్న ఆర్.టి.సి. బస్సు అరకు నుంచి అరకులోయ వైపు వస్తున్న ఆటో యండపల్లివలస వద్ద ప్రమాదవశాత్తు డీ కొన్నాయి.