నోరా ఫతేహిని టాలీవుడ్ జనాలకు ప్రత్యేకంగా ఇంట్రడ్యూస్ చేయాల్సిన అవసరం లేదు. ‘టెంపర్’, ‘బాహుబలి’, ‘కిక్-2’, ‘షేర్’, ‘లోఫర్’, ‘ఊపిరి’... ఇలా వరుసగా తెలుగు సినిమాల్లో ఐటెం సాంగ్స్ చేసి తెలుగు ఆడియెన్స్‌లో మంచి క్రేజ్ సంపాదించేసుకుంది. అయితే ఎంత స్పీడ్‌గా సినిమాలు చేసిందో ఇప్పుడు కొత్త సినిమాల విషయంలో అంతగా అలర్ట్‌గా వుంది.

మెగాస్టార్‌గా తెలుగుతెరపై తిరుగులేని ఇమేజ్‌ని స్వంతం చేసుకున్న చిరంజీవి ఎనిమిదేళ్ల గ్యాప్ తరువాత రీఎంట్రీ ఇస్తూ నటించిన ‘ఖైదీ నెం 150’ చిత్రంతో తన సత్తా తగ్గలేదని, ప్రేక్షకుల్లో తన స్థానాన్ని సుస్థిరం చేసుకున్నాడని మరోసారి నిరూపించుకున్నాడు. ఈ చిత్రం విడుదలై 100 కోట్ల మార్కెట్ దాటి సంచలనం రేపింది. ప్రస్తుతం వున్న హీరోలకు ఈ సినిమాతో తాను పోటీ ఇస్తున్నానని చెప్పకనే చెప్పాడు.

నారారోహిత్, సందీప్‌కిషన్, సుధీర్‌బాబు, ఆది హీరోలుగా శ్రీరామ్ ఆదిత్య దర్శకత్వంలో భవ్య క్రియేషన్స్ పతాకంపై వి.ఆనంద్‌ప్రసాద్ నిర్మిస్తున్న శమంతకమణి చిత్రం ఆదివారం హైదరాబాద్‌లో ప్రారంభమైంది. ముహూర్తపు సన్నివేశానికి ప్రముఖ దర్శకుడు శ్రీనువైట్ల క్లాప్‌నివ్వగా, నిర్మాత ఆనంద ప్రసాద్ కెమెరా స్విచ్చాన్ చేయగా, నటుడు రాజేంద్ర ప్రసాద్ గౌరవ దర్శకత్వం వహించారు.

సాయిధరమ్‌తేజ్, రకుల్‌ప్రీత్‌సింగ్ జంటగా గోపీచంద్ మలినేని దర్శకత్వంలో లక్ష్మీ నరసింహ ప్రొడక్షన్స్ పతాకంపై నల్లమలుపు శ్రీనివాస్, ఠాగూర్ మధు నిర్మిస్తున్న విన్నర్ చిత్రం ఈనెల 24న విడుదల కానుంది. ఆదివారం ట్రైలర్‌ను హైదరాబాద్‌లో ప్రముఖ దర్శకుడు వి.వి.వినాయక్ ఆవిష్కరించారు.