అక్కినేని నాగార్జున యువహీరోలతో నటిస్తుండడం మంచి పరిణామం అని సినీ విశే్లషకులు భావిస్తున్నారు. యువ కథానాయకుడు నిఖిల్ ప్రధాన పాత్రలో రూపొందించే చిత్రంలో నాగ్ నటిస్తారని సమాచారం. ప్రేమమ్ దర్శకుడు చందూ మొండేటి తెరకెక్కిస్తున్న ఈ చిత్రానికి సంబంధించిన ప్రీ ప్రొడక్షన్ కార్యక్రమాలు పూర్తిచేశారని, పేరు ఇంకా నిర్ణయించని ఈ చిత్రాన్ని అన్నపూర్ణా స్టూడియోస్ పతాకంపై రూపొందించనున్నట్టు తెలుస్తోంది.

‘మెగాస్టార్’ చిరంజీవి నటించిన ‘ఖైదీ నెం.150’ ముందస్తు విడుదల వేడుకను గుంటూరు జిల్లా చిన్నకాకాని వద్ద హాయ్‌లాండ్‌లో నిర్వహిస్తున్నట్లు నిర్మాత అల్లు అరవింద్ తెలిపారు. ఈనెల 7న సాయంత్రం ‘బాస్ ఈజ్ బాక్’ పేరుతో జరిగే ఈ వేడుకలో దాదాపు 5వేల మంది అభిమానులు వస్తున్నారని, చిరంజీవి కుటుంబ సభ్యులంతా హాజరవుతారని, పవన్‌కళ్యాణ్ అందుబాటులో వుంటే తప్పక వస్తారని అన్నారు.

శ్రీ శ్రీనివాసా ఫిలింస్ బ్యానర్‌లో ఎస్.పి.నాయుడు నిర్మాతగా టి.కరణ్‌రాజ్ దర్శకత్వంలో అశోక్ చంద్ర, రాజా సూర్యవంశీ, తేజారెడ్డి, కారుణ్య హీరో హీరోయిన్లుగా రూపుదిద్దుకున్న చిత్రం ‘ఇదో ప్రేమలోకం’. దర్శకుడు కరణ్‌రాజ్ మాట్లాడుతూ- ‘ప్రియుడికి ఇచ్చిన మాటకోసం తన వాళ్ళను వదులుకుని, ఓ రాతి మనిషిని ఉన్నత స్థాయికి తీసుకెళ్ళే ఓ మేఘమాల కథ. ప్రేక్షకులు మెచ్చే ఓ మంచి ప్రేమకథా చిత్రంగా ఈ చిత్రం ఉంటుంది’ అన్నారు.

ఇండియన్ మాజీ సూపర్ ఫాస్ట్ బౌలర్ శ్రీశాంత్ హీరోగా నటిస్తున్న చిత్రం టీమ్ 5. తెలుగు, తమిళ, కన్నడ భాషల్లో దీన్ని రూపొందిస్తున్నారు. నిర్మాత రాజ్ జకారియాస్ మాట్లాడుతూ- ‘ఇండియన్ మాజీ స్టార్ క్రికెటర్ శ్రీశాంత్‌ని సిల్వర్ స్క్రీన్ మీద చూపించే అవకాశం మాకు దక్కింది. ఆయన బాడీ లాంగ్వేజ్‌కు తగ్గట్టుగా ఉండే క్యారెక్టర్ కావడంతో మంచి ఎనర్జీతో చేస్తున్నాడు.