న్యూఢిల్లీ: రాజ్యసభ డిప్యూటీ చైర్మన్ పదవిని దక్కించుకునేందుకు అధికార, ప్రతిపక్షాలు ఎత్తుకు పైఎత్తు వేస్తున్నాయి. బీజేపీ యేతర ప్రాంతీయ పార్టీలు ఒక కూటమిగా ఏర్పడడంతో కాంగ్రెస్ ఇరకాటంలో పడిపోయింది. కొత్త డిప్యూటీ చైర్మన్ పదవిలో తెలుగు రాష్ట్రాలకు చెందిన పార్టీలు తెలంగాణ రాష్ట్ర సమితి, వైఎస్‌ఆర్‌సీపీతోపాటు ఒడిశ్శాకు చెందిన బీజూ జనతా దళ్ పార్టీల మద్దతు కీలకంగా మారింది.

పనాజీ, జూన్ 18: ఈఏడాది చివరినాటికి గోవాను ప్లాస్టిక్ రహిత రాష్ట్రంగా చేయాలన్న లక్ష్యంతో ప్రభుత్వం పనిచేస్తోందని ముఖ్యమంత్రి మనోహర్ పారికర్ స్పష్టం చేశారు. అమెరికాలో వైద్య చికిత్సలు పొంది సంపూర్ణ ఆరోగ్యంతో రాష్ట్రానికి వచ్చిన ముఖ్యమంత్రి తొలిసారి బహిరంగ సభలో మాట్లాడారు. ‘వలసపాలనకు వ్యతిరేకంగా మనం చేసిన పోరాటం అయిపోయిందని నేను భావించడం లేదు. మన ముందు అనేక సమస్యలున్నాయి.

న్యూఢిల్లీ, జూన్ 18: ఆంధ్రప్రదేశ్ విభజన చట్టంలో పేర్కొన్న విధంగా ఏపీకి ప్రత్యేక రైల్వేజోన్ అంశంపై కేంద్రం స్పష్టత ఇవ్వలేదు. విశాఖ కేంద్రంగా రైల్వేజోన్ ఏర్పాటు అంశం పరిశీలనలో ఉందని మాత్రమే కేంద్రరైల్వేశాఖ మంత్రి పియూష్ గోయల్ వెల్లడించారు. ఏన్డీయే ప్రభుత్వం గత నాలుగేళ్లలో రైల్వేశాఖ చేపట్టిన సంక్షేమ కార్యకలపాలు, అభివృద్ధికి సంబంధించిన విషయాలను ఆయన విలేఖరులకు వివరించారు.

న్యూఢిల్లీ: లెఫ్టినెంట్ గవర్నర్ అనిల్ బైజల్ నివాసంలో బైఠాయింపు ధర్నా జరుపుతుండటంపై 'ఆమ్ ఆద్మీ పార్టీ'ని ఢిల్లీ హైకోర్టు తప్పుపట్టింది. ధర్నాకు ఎవరు అనుమతించారని నిలదీసింది. వీరి దీక్షపై హైకోర్టులో రెండు పిటిషన్లు పడ్డాయి. దీనిపై న్యాయవాదులు ఏకే చావ్లా, నవీన్ చావ్లా విచారణ చేపట్టారు.'మీ 'సమ్మె'ను 'సమ్మె'గా భావించలేమని అన్నారు. పిటిషన్లపై తదుపరి విచారణను ఈనెల 22వ తేదీకి వాయిదా వేశారు.