న్యూఢిల్లీ, ఫిబ్రవరి 12: ప్రపంచంలోని ఏ సాహిత్య ప్రమాణాలతోనూ తీసిపోని తెలుగు సాహిత్యం ఇతర భాషల్లోకి అనువాదం కాకపోవడం పెద్ద లోపమని కేంద్ర సాహిత్య అకాడమి అవార్డు గ్రహీత దేవీప్రియ అభిప్రాయపడ్డారు. గత సంవత్సరం 24 భాషల్లో అకాడమీ పురస్కారాలకు ఎంపికైన రచయితలకు సోమవారం అవార్డుల ప్రధానోత్సవ కార్యక్రమం ఢిల్లీలో జరిగింది.

అగర్తలా, ఫిబ్రవరి 12: త్రిపురలో ప్రభుత్వాన్ని ఏర్పాటు చేస్తామని, బీజేపీ పాలిత ప్రాంతాల్లో త్రిపుర 20వ రాష్ట్రం అవుతుందని అధ్యక్షుడు అమిత్ షా జోస్యం చెప్పారు. ఆదివారం విడుదల చేసిన ఎన్నికల మేనిఫెస్టోలో ప్రజలకిచ్చిన హామీలన్నీ అమలు చేస్తామన్నారు. ఎన్నికల ప్రచారం పూరె్తైన తరువాత బీజేపీకే అనుకూల వాతావరణం కనిపిస్తోందని, ఇక్కడ ప్రభుత్వం నెలకొల్పడం ఖాయమని సోమవారం మీడియా సమావేశంలో స్పష్టం చేశారు.

జమ్ము-శ్రీనగర్, ఫిబ్రవరి 12: భారత సరిహద్దు అవతలిశక్తుల మార్గనిర్దేశనంతో శ్రీనగర్‌లోని సైనిక శిబిరంపై ఉగ్రవాదులు దాడికి తెగబడినట్టు నిఘావర్గాల నుంచి సమాచారం ఉందని, దుస్సాహసానికి పాల్పడిన పాకిస్తాన్ తగిన మూల్యం చెల్లించుకోక తప్పదని రక్షణ మంత్రి నిర్మలాసీతారామన్ హెచ్చరించారు.

శ్రీనగర్: కేంద్ర రక్షణ శాఖ మంత్రి నిర్మలా సీతారామన్ సోమవారంనాడు జమ్మూలోని సంజువాన్ ఆర్మీ క్యాంప్‌ను సందర్శించారు. మూడురోజుల క్రితం సంజువాన్‌ ఆర్మీ క్యాంప్‌పై జైషే ఉగ్రవాదులు దాడి చేయడంతో ఇప్పటికీ గాలింపు చర్యలు జరుగుతున్నాయి. ఈ నేపథ్యంలో జమ్మూలో సోమవారం పర్యటించిన రక్షణ మంత్రి సీతారామన్ దాడి జరిగిన ప్రాంతాన్ని ఏరియల్ సర్వే ద్వారా వీక్షించారు.