న్యూఢిల్లీ, డిసెంబర్ 22: కేంద్ర ప్రభుత్వ సౌజన్యంతో నడుస్తున్న ‘జాతీయ పోషకాహార పథకం’ ద్వారా లబ్ధి పొందుతున్న పిల్లలకు ‘ఆధార్’ నమోదు తప్పనిసరి అని కేంద్ర మహిళా శిశు సంక్షేమశాఖ సహాయ మంత్రి వీరేంద్ర కుమార్ లోక్‌సభలో తెలిపారు. ప్రభుత్వం అందజేసే రాయితీలు, సేవలు, ఇతర ప్రయోజనాలకు ‘ఆధార్’ కార్డు కచ్చితమైన గుర్తింపులా పనిచేస్తుందన్నారు.

న్యూఢిల్లీ, డిసెంబర్ 22: మాజీ ప్రధాని మన్మోహన్ సింగ్‌కు ప్రధాన మంత్రి నరేంద్రమోదీ క్షమాపణలు చెప్పాల్సిందేనంటూ కాంగ్రెస్ సభ్యులు చేసిన నినాదాలతో శుక్రవారం కూడా రాజ్యసభ కార్యకలాపాలు కొనసాగలేదు. మన్మోహన్ సింగ్‌కు క్షమాపణలు చెప్పే అంశంపై అధికార ప్రతిపక్షాల మధ్య ఒక అంగీకారం కుదరనంత వరకు రాజ్యసభను వాయిదా వేయటం మంచిదని ప్రతిపక్ష నాయకుడు గులాం నబీ ఆజాద్ డిమాండ్ చేశారు.

న్యూఢిల్లీ, డిసెంబర్ 22: ఆంధ్రప్రదేశ్ ప్రభుత్వం బోయ కులాన్ని ఎస్టీ జాబితాలో చేర్చడం నిజమైన గిరిజనులకు అన్యాయం చేయాడమేనని ఆదివాసీ అధికార్ మంచ్ (ఏఆర్‌ఎం) మండిపడింది. ఏపీ ఎస్సీ, ఎస్టీ కమిషన్ చైర్మన్‌గా కారెం శివాజీని ఆ పదవి నుంచి వెంటనే తొలగించాలని మంచ్ డిమాండ్ చేసింది. ఈ మేరకు బోయలను ఎస్టీగా చేర్చడంపై జాతీయ ఎస్టీ కమిషన్‌కు ఏఆర్‌ఎం శుక్రవారం ఫిర్యాదు చేసింది.

న్యూఢిల్లీ, డిసెంబర్ 22: బీజేపీ అబద్ధాల పుట్ట. ఆ పార్టీ పునాదులే అబద్ధాలపై నిలబడి ఉన్నాయంటూ కాంగ్రెస్ అధ్యక్షుడు రాహుల్ గాంధీ పెద్దఎత్తున దాడికి దిగారు. కాంగ్రెస్‌కు కొత్త అధ్యక్షుడిగా రాహుల్ గాంధీ బాధ్యతలు స్వీకరించిన తరువాత మొదటి కాంగ్రెస్ వర్కింగ్ కమిటీ సమావేశం శుక్రవారం ఢిల్లీలో జరిగింది. సమావేశం అనంతరం రాహుల్ గాంధీ మీడియాతో మాట్లాడుతూ ప్రధాని నరేంద్ర మోదీపై పెద్దఎత్తున మాటల దాడికి దిగారు.