న్యూఢిల్లీ, జూన్ 5: ఎన్డీటీవీ వ్యవస్థాపకుడు ప్రణయ్ రాయ్ ఇంటిపై సోమవారం సిబిఐ దాడులు నిర్వహించింది. ఓ షేర్ లావాదేవీ గురించి సెబికి తెలియజేయకుండా దాచి ఉంచినందుకు, ఓ ప్రైవేట్ బ్యాంకును మోసం చేసిన ఆరోపణలపై సిబిఐ ఆయనపై కేసు నమోదు చేసింది.

న్యూఢిల్లీ, జూన్ 4: లండన్ ఉగ్రవాద దాడులను ప్రధాని నరేంద్ర మోదీ తీవ్రంగా ఖండించారు. ఈ దాడులు దిగ్భ్రాంతి కలిగించాయని పేర్కొన్న ఆయన మృతుల కుటుంబాలకు ప్రగాఢ సంతాపం తెలియజేశారు. క్షతగాత్రులు త్వరగా కోలుకోవాలంటూ ఒక ట్వీట్‌లో ఆకాంక్షించారు. కాంగ్రెస్ అధ్యక్షురా లు సోనియా గాంధీ సైతం లండన్ దాడులను ఖండించారు.

హమీర్‌పూర్, జూన్ 4:కాశ్మీర్‌లో తరచూ శాంతి భద్రతలకు విఘాతం కలిగిస్తే చూస్తూ ఊరుకునేది లేదని హోం మంత్రి రాజ్‌నాథ్ సింగ్ ఆదివారం పాకిస్తాన్‌ను తీవ్ర స్వరంతో హెచ్చరించారు. పాకిస్తాన్ ఈ రకమైన చర్యలకు ఒడిగడితే భారత దళాలు తీవ్రస్థాయిలో ప్రతిస్పందిస్తాయని, పేల్చే బులెట్లను లెక్క పెట్టవని స్పష్టం చేశారు. ‘కాశ్మీర్‌లో శాంతి యుత పరిస్థితులకు పాకిస్తాన్ ఎన్నోసార్లు విఘాతం కలిగించింది.

గుంటూరు, జూన్ 4: ‘నరేంద్ర మోదీ ఎప్పుడూ హిందూ ధర్మం గురించి చెబుతుంటారు. హిందూ ధర్మ పరిరక్షకుడని చెబుతుంటారు. కానీ ఆయన కోట్లాది మంది ఆరాధించే తిరుమల వెంకటేశ్వరస్వామి సమీపంలో సభ నిర్వహించి ఆంధ్ర రాష్ట్రానికి పదేళ్లు ప్రత్యేక హోదా ఇస్తామని హామీ ఇచ్చారు. అధికారం వచ్చిన తర్వాత హోదా ఇవ్వకుండా మోసం చేశారు. హిందు ధర్మం గురించి మాట్లాడే మోదీ మీకు అబద్ధం చెప్పినట్లే కదా? ఇదేనా మీరు పాటించే ధర్మం?