ఇంఫాల్: ఈశాన్య రాష్ట్రాల్లో సైనికులకు ప్రత్యేకాధికారాల చట్టాన్ని రద్దు చేయాలని 16 ఏళ్లపాటు నిరాహార దీక్ష చేసి, ఇటీవలే దీక్ష విరమించిన మణిపూర్ ఉక్కుమహిళ ఐరోం షర్మిలను ఆమె తల్లి 16 ఏళ్ల సుదీర్ఘ విరామం అనంతరం కలుసుకున్నారు. నిరాహారీ దీక్ష చేపట్టిన సమయం నుంచి దాన్ని విరమించే వరకూ షర్మిలను ఆమె తల్లి సాక్షీదేవి (84) ఎన్నడూ కలుసుకోలేదు.

జబల్పూర్: గత కొద్దిరోజులుగా కురుస్తున్న భారీ వర్షాలకు ఇల్లు కూలిపోయి ఏడుగురు ప్రాణాలు కోల్పోయిన దుర్ఘటన మధ్యప్రదేశ్‌లోని రహత్‌గఢ్ జిల్లాలో శనివారం జరిగింది. సమాచారం తెలిసిన వెంటనే పోలీసులు సంఘటన ప్రాంతానికి చేరుకుని మృతదేహాలను పోస్టుమార్టంకు తరలించారు. ఇదే ఘటనలో తీవ్రంగా గాయపడిన ముగ్గురిని వెంటనే ఆస్పత్రికి తరలించారు.

ముంబయి, ఆగస్టు 19: రాజ్యాంగబద్ధంగా అమలవుతున్న రిజర్వేషన్లను కొత్త విద్యావిధానంలో మార్చే ప్రసక్తి లేదని కేంద్ర మంత్రి ప్రకాశ్ జవడేకర్ శుక్రవారం స్పష్టం చేశారు. కొత్త విద్యావిధానాన్ని ప్రభుత్వం ఇంకా ఖరారు చేయలేదని, దీనికి సంబంధించిన ముసాయిదాను కూడా కేంద్ర కేబినెట్ తదుపరి చర్చ నిమిత్తం చేపట్టాల్సి ఉంటుందన్నారు.

పసిఘాట్, ఆగస్టు 19: అరుణాచల్ ప్రథేశ్ భూభాగంలోకి చైనా సైన్యం ఇటీవల రెండు సార్లు దురాక్రణకు ప్రయత్నించిందని కేంద్ర హోమ్‌శాఖ సహాయ మంత్రి కిరణ్ రిజిజు వెల్లడించారు. శుక్రవారం ఇక్కడ అడ్వాన్స్ ల్యాండింగ్ గ్రౌండ్స్‌ను ప్రారంభించిన మంత్రి జూలై 22న అంజ్వా జిల్లాలోని మారుమూల కిబితు ప్రాంతంలో చైనా సైన్యం చొరబడే ప్రయత్నం చేసిందన్నారు.